Efees 1:11 - NQAARIIT NE ROOG

¹¹ Roog a ci’a a in itam na Kiristaa a las ale refna ref a muc ale ne ta yuuɓit’uuna fo ne ta fosooxit’uuna yaaga, ten fee na fi’aa fop ke ta hebooxna fo ke ta bugna.

Efees 1:11 Referans Kwoze

O leetar ole Pool a bindna GIMU WE NGENNA ROM 8:28

I anda yee Roog kaa jalaa no ke na xewaa no ñoow no we mbexuuna fo no we ta xoyna no yuuƥ um fop, ndax ta rim o njiriiñ na den.

1 Piyeer 1:4

fo lam naa waageerna o sooƴ mbaat ta roɗig mbaat ta ñak o mosel um. Ten o mat nu ngeekane toox de na asamaan.

Efees 1:14

Yiif Tedu le kaa ref a ƭegeer njigand no paax ke Roog a geekanna a in. Kaa woornaa a in ee xan i pokoox keene fop, yaa a bat ale in a fadnooxkaa. Neene, xan o ndam onqe Roog a simatel.

Efees 3:11

Neene yuuƥ ne Roog a xalaat’ina yaaga, yaa fo mberaand naa, a fadnoor’u na Kiristaa Yeesu o Yaal in.

Efees 1:5

Roog kaa yuuɓ’u yaaga yee xan a fi a in xa ƥeem ŋaƈit na pexey Yeesu Kiristaa. Keene kaa reeƭu ke ta bugna fo ke feluuna.

Galati 3:18

A soƥangaa yee lam ne no kebil ke a reefande, yaaga ndegit ne waagee o tax o kiin a daawin, too naaga a reeƭit’u a ndeer Roog fa Abraham.

Hebre 6:17

Roog kaa bug o lalit a qool qac ee supitkee muk ke ta hebooxna boo a ƴut, a fi’anin we mbar’ina o ndaaw paax ke ndegteena. Ten taxu ta ɓaat a taaƥ na tegit ale.

Tiit 3:7

ndax ne i njofandteena yirmande um, i mbaag o lam o ñoow o fagkeer ole i yaakaaraa.

O leetar ole Pool a bindna GIMU WE NGENNA ROM 8:17

Kaa i ndef xa ƥeem, ten taxu i njega a las no lam ne Roog a regna xeet um. Xan i lasrin fa Kiristaa, yaam i naangangaa o coono’aa fo ten, xan i mbog fo ten no ndam um itam.

Kolos 1:12

ngidmaa a Faap fee fo o ɗaay, ten fee fi’na nu mbaag o mbog no lam ne no tedu we ndefna na qoolaand ale.

Kolos 3:24

Andyo yee xan o Yaal oxe a coox a nuun ndabid ne refna ref lam ne. Kiristaa refu o Yaal oxe nu ndagooxaa.

A pi ake 26:18

Xam lulong ndax o wet a kid den, sutit a den no niɓaan ole, ɓisiid a den na qoolaand ale, sutit a den na sañ-sañ fee Saytaane, da ngar me Roog. Neene, a ngimangaa na mi, xan a ndaaw a baasan ale no pakaad ke den, a ndaaw a las ale we mbogna na mi a njegna.› »

A pi ake 20:32

Ndiiki koy, mexe fokataa a nuun fa Roog, fokataa a nuun itam fo fa lay fee na yirmande um. Fa lay feene waagu o saƭakin a nuun, too a ci a nuun paax ke ta geekanna we mbogna no ten.

A pi ake 2:23

O kiin oxeene, kaa nu ƥoxotel o ten no ke Roog a heboox’ina. Keene koy, Roog kaa yuuɓ’un yaaga. Nu ndengaan na teex, ndax nu mbarnoorin na xa ƥay axe no we ndefeerna Yaawuur.

A pi ake 20:27

yaam yegnaam a nuun yaaga ke Roog a yuuɓna fop, too ɗasniim teen o ndara.

A pi ake 4:28

Neene o mat a fadnitu ke yuuɓ’oona yaaga no katil of fo no bug of.

Yeremi 32:19

Yuuƥ ke wo kaa magin, a pi of a njeg katil. A kid of kaa ngaan na ƭat no wiin we fop, ndax o dakin oxuu refna a pesoorooƭ um, reefandin no ke a pi um a njagitna.

A kim a tedu ke 37:18

O Yaal oxe kaa saytooxaa a pe no we ñakna ƥanjel, too lam den xan a ref boo faw.

1 Piyeer 3:9

Ba nu ndakin paaxeer ke fo paaxeer mbaat wen le fo wen. Kaa nu mbar o mbarke’aa kañ, yaam no keene Roog a xoyit’u a nuun, ndax nu lam barke um.

O leetar ole Pool a bindna GIMU WE NGENNA ROM 11:34

Ne a Pind a Tedu ke a laytuuna yee: «An andu a qalaat no Yaal oxe? An waagu o ref o aa-as um?

Sakari 6:13

Kaam ee ten na maxkaa Mbind ne mi. Xan a ɓoxotel o ndam, a moof no uum-maamaad um, a maadooxan xeet fee. Xan a ref o saasadax no uum-maamaad um, too ƭik ke fop xan a nanoor tigi.

Yeremi 23:18

Kaa koy, an maadu mbokatax ne mi, mi o Yaal oxe, ndax ta ga, a nan-giloox fa lay es? An rungu nof um na fa lay es, an nanun?»

Esayi 28:29

Keene itam no Yaal oxe Hupna fop a inooru. O as um kaa jom’andit, soo o and um a xooɗ.

Esayi 5:19

Kaa da layaa yee: «Fat a ñofand, fat a ñof o fi ke ta hebooxna, ndax i nga’in. Fat yuuƥ ne no Tedu xe Isra’el a fadnoox, ndax i mbaagin o njaɓ.»

A cangatin ale 4:20

Nuun o mat, o Yaal oxe kaa dam a nuun o ɓay, a sutit a nuun Misira, o saasnand njelem oleene, ndax nu ndef xeet faa ta jegoodna, ne nu ndeftuuna xaye.

Xa peƭit axe 8:14

Mi jegu o as ole fo o ƴiƴ ole, mi refu o and ole, doole fee a refanaam.

Saak 2:5

Fog es we fexuuma, nan-gilooxyo a paax: Ndax nu andee yee Roog jilu we adna fee a ƭeetaa nen rool, ndax o ngim den na Yeesu Kiristaa a ref halal den, da njeg maat ne ta regna we mbexuuna?

Efees 1:8

fee ta ci’na a in bo ta dey sik, ye ta daawinna a in o and o deyu sik fo o jeg-yiif.

Ke bindeena no xe ne’eena YOB 12:13

Kaa koy, Roog jegu o and fa katil, a jeg njaqtirand fo o jeg-yiif.

Ke bindeena no xe ne’eena YOB 33:29

Keene refu ke Roog a fi’anaa o kiin a caf a mayu,

Esayi 25:1

O Yaal oxe, wo refu Roog es. Xam simatang, xaanaa gon of, yaam comlaand ke fi’oona. Yuuƥ ke wo yaaga kaa mboor, a saƭik.

A pi ake 13:48

We ndefeerna Yaawuur a mbelakinooxooga ye da nanna a ƭelem akaaga. A simatooga fa lay fee no Yaal oxe, too fop we njagandan’eena o ñoow o fagkeer ole a ngim’ata.

O leetar ole Pool a bindna GIMU WE NGENNA ROM 8:29

Roog kaa heboox’u o nandand we ta jilna yaaga fo o Ƥeem, ndax o Ƥeem onqeene a ref taaw kam ƥasil maak.

O leetar ole Pool a bindna GIMU WE NGENNA ROM 8:30

We Roog a jil’ina yaaga koy, a xoya a den, soo we ta xoyna, ta jofand a den, we ta jofandna, ta ci a den a las no ndam onqe ten.

O leetar ole Pool a bindna GIMU WE NGENNA ROM 9:11

Maaga soƥ’afulee xa teɓandoong axe a ndimel, too soƥee da mbi dara, ta ref paax mbaat paaxeer, Roog a laya a Rebeka yee: «Taaw fee xan a dagooxaa o ndeɓ onqe.» Roog kaa jil o leng na den, ndax yuuƥ um a geenoox naŋ. Neene koy a cil ale Roog refee na pi ake no we ta jilna, ndaa no xoy ole ta xoyna a den.

Efees 1:9

A andnoora a in kunpa fee ta ɗaapna, too ta yuuɓ’un yaaga, ndax ta fadnin na Kiristaa.

Efees 1:18

Yaasam ta xooland a qeeñ nuun, ndax nu and yaakaar ne taxna Roog a xoy a nuun, and itam ke refna halal fee no paax cegee sik ke ta geekanna we mbogna no ten.

Tiit 2:14

Ten feene o mat wuusu o ñis um, ndax ta wat a in no ndoƭ kuu ndefna, a fi a in xeet um, xeet faa ta kesna, ten fa xoox um, da mbosoox o mbi’aa paax.