Dañel 8:9 - NQAARIIT NE ROOG

⁹ O njan o ndutuuñ a saxta no leng na den, a maakit farna fo ɓemb-roog o ñamaak, farna fo batand fo farna fo saax le moƴna o mos.

Dañel 8:9 Referans Kwoze

Dañel 11:16

O maad oxe no ɓemb-roog o janoon songiidna xan a fi kuu feluuna, too o leng waagkiran o xox. Xan a dal no saax le moƴna o mos, a yaqaa retaa.

Dañel 7:8

Ɗeetoogaam xa can axe too ga’aam o njan o ndeɓ a sax a ndeer den, soo xa can xa tadaq na xa eetaand axe a mbuuroorit mbaambir um. O njan onqe a kid no kiin a saq’u fo o don olaa laytoogna a magnandax.»

Heseki’el 20:15

Kam a koƥ-a-ƥor ale, mi o mat daaɓoox’u fa den fo o ɓay es took ee ɗoxkiim a den no saax le ci’uuma a den, saax laa fo sis fo suum a ndaxritaa, le moƴna o mos na saax ake fop,

Heseki’el 20:6

A koom, daaɓooxaam fa den fo o ɓay es took ee xam sutit a den no saax laa Misira, ɓis a den no saax laa horooxan’uuma a den, saax laa fo sis fo suum a ndaxritaa, le moƴna o mos na saax ake fop.

A kim a tedu ke 48:2

O Yaal oxe a magna, Roog in jombee o simatel, ten fee refna kam teeru fee ta jegna. O joong o tedu le ten

Sakari 7:14

Pasaraam a den a ndeer qeet ke da and’eerna fop, da nqaƴ a cinj den saax laa wootatna, too o leng retoogatee a garaa teen. A mbi’a saax felu leene a koƥ-a-ƥor.»

Dañel 11:21

O kiin o caree tus oxaa jageerna fo maat na rondandkan. Xan a gar na waxtu faa foog’aandeena, a jaɓ maat ne fo naanaxir.

Yeremi 3:19

O Yaal oxe kaa tee: «Cey, ndaw ne bugit’uuma o fi’ong nen o leng na xa ƥees, soo ci’ong saax laa felna bo, lam ne moƴna faax na adna fee fop! Kaam foog’u yee: xan o xoyaam ‹Faap es›, feskatiraamo a cinj muk.

A kim a tedu ke 105:24

O Yaal oxe a fi’a xeet um a ndimatir, a ci’in ta hupat fañ um doole.