Dañel 8:8 - NQAARIIT NE ROOG

⁸ Suk fambe le a moƴ’ata magin, ndaa ye ta fodna na doole um tigi, a njan ale ten a ɓolooxa. Maaga, xa can xa nahaq xa podu ne ngaryo nga a saxa me ta reeƭna, a njagin na xa saax xa nahaq axe no lanq ke.

Dañel 8:8 Referans Kwoze

Dañel 7:2

a wetandoox teen ee: «Kam o yeng ole, ga’aam no mbeeñil ee: Qeñ nahik ke na asamaan a njumbanda juwaam fee.

Mbeeñil 7:1

Yaa kaaga a faafna, ga’aam malaaka nahik kaa ngeenooxna na xa saax xa nahaq axe no lanq ke, a pokoox qeñ nahik ke, ndax nqeñ leng wuuɗkatee took lanq ke mbaat no maag ole mbaat took ndaxar.

Dañel 8:22

A njan aleene ga’oona ta ɓoloox, soo xa can xa nahaq xa lakas a sax me ta reeƭna kaa tekit ee maat nahik xan a mbeeñit na xeet feene, ndaa njegkee doole fa mbodu nen fee no maat eetaand ne.

Dañel 8:5

Ye um ɗeetaa keene fop, suk fambe a inoortiida no mudand, a xaañ lanq ke fop, a ñof boo wee ndax naagee duqaa a lanq. Suk fambe leene kaa jeg’u o jan o fodne ngaryo nga ndeer a kid um.

Dañel 5:20

Kaa koy, ye ta retna boo a magnandoox too wootooxatee o leng, a fudne no maat um, o ndam um a jaɓel.

2 Caloori ke 26:16

Kaa koy, o jeg doole le ten a ɓekaan na magnandax, boo a rim no ten kasaara yaam ta gore’aƭarat no Yaal oxe Roog um. Bes, a roka kam Mbind ne no Yaal oxe ndax ta doxan a xoox um cuuraay no sadaxand cuuraay ole.

Mark 13:27

A koom, xan a luliid malaaka ke ten na xa saax xa nahaq axe no lanq ke, ndax da mbokat we ta jilna, no ke xotitna no cat adna boo no cat asamaan.»

Mace 24:31

Xan a luliid malaaka ke ten fo a luuƥ ale na bugko jibaa a maak, too xan a mbokat we ta jilna na xa saax xa nahaq axe, kaa xotitna no cat boo no cat asamaan.»

Dañel 11:4

Yaa ta dalinkaa maat um boo a saƭkandin, maat um xan a gef soo a xaajoox nahik. Xa ƥeem ndondandkiran, ndaa lakas na lasirkaa maat um. Kaa koy, weene njegkee doole fee ta jeg’ina.

Dañel 7:6

Cinj kaaga, ɗeetoogaam too ga’aam ɓaanoor fa lakas faa nandtoogna o ƴaxal, a saq a nafir a nahak ndiiƭ took ndiiñ um. Ɓaanoor feene a qoox a nahak a jeg’u, too a ɓoxote ngelfa.

Dañel 4:31

«Yaa xa kiid ɓetaa ƭaq axaa a mbaafna, mi Nebukadnesaar, yoɗaam a kid es farna fa asamaan too yegaam ee sagu es a nomtooxiida na mi. Dalfooxaam o ref no gidmaa oxe Took-ee-took, simataa soo ɓoxotaa o ndam Oxe na ñoowaa boo faw, maat um a refna bo na moos boo moos, ta maadooxaa no suk boo no suk!

Heseki’el 28:9

Mbaambir o baawar oxe wo, ndax xan o layahin ee: ‹Roog refum›? O kiin doŋ refo, refiro roog ɗuga o ɓay ole no xe na warang.

Heseki’el 16:7

Maaknaaxoong nen suuƴin le na xa qol axe, o ɓaatoox, maak, mos boo wee xar kene, ƭeen of a urin, wiil of a sax ñip. Kaa koy, o ƥor yoq’o soo naag ƭuc.

Yeremi 5:27

Pind ke den kaa may muut fo kaa hatna no laɓari, nen kees naa mayna muut fo tiiƭ. Ten taxu da njegat doole fa halal,

Esteer 9:4

Mordokay kaa reeƭatu o kiin o maak no mbind no maad ne. Gon um kaa joot’atu muu refna kam xa cegel axe, soo ta moƴ a moƴ o yoɗooxaa.

A cangatin ale 31:20

Xam ɓis xeet feeke kam saax le daaɓooxuuma fo daan den ee xam ci’in a den, saax le fo sis fo suum a ndaxritaa. Xan da ñaam maaga boo a naang tem, a magin, cinj kaaga da nquruloox farna fo roog lakas, a mbaɗooxaa a den. Xan a nqeefaam soo a ƭeg ngiɓoor es fa den.

Yeremi 49:36

Xam ɓisiid took Elam qeñ nahik, da ngatiid no cat nahik ke na asamaan. Xam feesit a den qeñ keene fop. Jegkee xeet fa leng faa ga’keerna we ƈufitna Elam a ndokiidaa me ten.

Dañel 8:7

Ga’aanum ta matkaa suk mbaal le, a songin fa doole, a gomin boo a ɓol xa can xa ƭaq axe ten. Suk mbaal le koy, jeg’ee doole faa ta xoxtuuna. Suk fambe le a maafaan soo a dakin, too jeg’ee o leng oxaa jaɓna suk mbaal le.