Dañel 8:4 - NQAARIIT NE ROOG

⁴ Ga’aam suk mbaal le ta gomaa farna fo mudand fo farna fo ɓemb-roog o janoon fo farna fo ɓemb-roog o ñamaak. Jeg’ee muumeen faa waag’uuna o xox, too o leng waag’ee muc no ten. Kaa fi’oogu kaa feluuna soo a moƴ o maakaa.

Dañel 8:4 Referans Kwoze

Dañel 11:16

O maad oxe no ɓemb-roog o janoon songiidna xan a fi kuu feluuna, too o leng waagkiran o xox. Xan a dal no saax le moƴna o mos, a yaqaa retaa.

Dañel 11:36

O maad oxe xan a fi kuu feluuna. Xan a magnandoox, a fakoox mbaambir roog ke fop. Xan a lay qedu sax a Roog fee no roog ke. Xan a jeg ne ta bugna boo yaa Roog a fuuxankan, a fadin ke ta hebooxna.

Dañel 8:7

Ga’aanum ta matkaa suk mbaal le, a songin fa doole, a gomin boo a ɓol xa can xa ƭaq axe ten. Suk mbaal le koy, jeg’ee doole faa ta xoxtuuna. Suk fambe le a maafaan soo a dakin, too jeg’ee o leng oxaa jaɓna suk mbaal le.

Mise 5:8

«Fat o ɓay of a dal took no fañ of, da moocandel, den fop!»

Dañel 7:5

Ɓaanoor fa ƭikandeer fee mat ursu a nandtoogu. O saax o leng a geenoor’u, xa laf xa tadaq a ndef no don um ndeer a ñiiñ ake, too a laye yee: ‹Inooxi ñaam a tegeƴ a mayu!›

Dañel 5:30

No yeng olaaga sax sax, Baltasaar fee o maad oxe Babilon a ware,

Dañel 5:19

O magnel oleene ta daawit’ina na Roog a tax’a boo qeet ke fop fo a saax ake fop fo we no lak ke fop a sendaa mbaambir um yaam diid. Oxuu ta bug’ina o war kaa waroogun, a wuusaa oxe feluuna, a yoɗaa oxe ta bugna yoɗ, a neewand oxe ta bugna neewand.

Heseki’el 34:21

Feek kaa nu mbaɓaa fo o saax fo a kand soo nqawtaa xa can nuun paal yooyu ke fop boo yaa nu pasarna a den tafil,

A kim a tedu ke 50:22

Nuun we na njuumaarooxaxam, mi fee Roog nuun, andyo a paax ke layuuma. Nu mbi’angiran, xam lisit a nuun, too o leng waagkee o mucil a nuun.

A kim a tedu ke 7:2

O Yaal oxe Roog es, me wo um jaɓnooxaa, muclaam no fop we na ñagadilaxam, too wataam na den.

Ke bindeena no xe ne’eena YOB 10:7

Andaa xil ee tooñiim, too o leng waagee suqit tig na xa ƥay of?

A cangatin ale 33:17

Kaa ref no Yaal oxe nen nqoox taawloore, a ref qaaƴoor um. Xa can axe ten kaa nandtaa xa can naak-a-koƥ, a ndef faan le Efrayim fo le Manaase, ta xawtaa a den qeet ke, a raxaa a den boo no cat adna.»

1 Maad we 22:11

Sedekiya fee o ƥiy Kenaana kaa jalin’u xa can xa celem soo a layaa yee: «O Yaal oxe kaa tee: ‹Kene o xawitkaa Aa-araam we boo yaa da moocna.› »

A kim a tedu ke 44:5

Wo Roog, wo refu o maad es. too na wo fo ndam ne mbind Yakoob a ngataa.