Dañel 8:2 - NQAARIIT NE ROOG

² Keeke refu ke ga’uuma: Kam mbeeñil ne kaam fod’u Suusaan, teeru fa maak fee no jegel olaa Elam, geenoox paam a ƈufnand ale Ulay.

Dañel 8:2 Referans Kwoze

Esteer 1:2

Na jamaane faaga, uum-maamaad le no maad Asuwerus oxaa reeƭa na teeru fa njegu saŋe faa Suusaan.

Nehemi 1:1

A betandax Nehemi fee o ƥiy Hakaliya. No hiid qarɓeen ƭikandeer ole no maat Artaserkesees, no nqool Kisleew, a soƥaam na teeru fa njegu saŋe faa Suusaan,

Heseki’el 32:24

Elam oo xeene fo a yaj um fop, a wid a mboy um. Den fop kaa ndibel, laƥ ne a maaf a den. A mbudooxa no xooɗ-ee-xooɗ le no lanq ke, den we oroogna diid le took lanq ke no ñoow we, too a ndoxondooxa gaci den fo we mbudooxna kam gamb le na saŋkax ale.

Yeremi 25:25

– maad we Simri, we Elam fo we Medi fop,

Esteer 2:8

Ye kebil ne no maad oxe a jootna, xa caaƈ xa tew xa mayu a mbokate na teeru fee Suusaan, soo Hegay a topatooxaa a den. Esteer itam a ɓisiide no mbind no maad ne, too Hegay fee doxin’eena o daland ole no rew we a topatooxoogaan.

Mberaand 14:1

A jeg’a jamaane, Amrafel fee o maad Sine’aar, Aryok fee o maad Elasaar, Kedorla’omeer fee o maad Elam fa Tiide’al fee o maad Goyiim,

Mberaand 10:22

Xa ƥiy axe Seem ndefu: Elam, Asuur, Arpaksad, Luud fa Araam.

Dañel 8:3

Yoɗaam a kid es, ga suk mbaal laa geenooxna na ƥeeraamb ale na ƈufnand ale. Xa can xa ƭaq xa ciig a jeg’u. Kaa koy, o leng ole moƴ’u jigid o lakas ole, too ten falak’u saxaa.

Dañel 7:15

«Mi Dañel, yiif es dal’ee yaam keene, ke feeñleema a diidlandaam lool.

Dañel 7:2

a wetandoox teen ee: «Kam o yeng ole, ga’aam no mbeeñil ee: Qeñ nahik ke na asamaan a njumbanda juwaam fee.

Esayi 21:2

Laleem mbeeñil mbitnooxu: O koohod oxe a hoda, o yaayaq oxe a ref no yaq. «Nuun Ee-elam we, songyo! Nuun Meemedi we, mbidyo teeru fee o kurul-keƥ. Xam watin xa iin axe fop.»

Esayi 11:11

A koom, xan o Yaal oxe a letnahin o ɓay um, ndax ta wat yoqatin we na xeet um na muckaa Asuur fa Misira fa Patros fa Kuus fa Elam fa Sine’aar fa Hamat fo na pimb ake no maag ole.

Esteer 9:15

Yaawuur we kam Suusaan a ƥaata o mbokatoor no ñaal xarɓaxay fo ñaal nahkandeer ne no nqool Adaar soo a mbar teen goor teemeed tadik. Kaa koy, njang’ee ke da njeg’ina.

Esteer 9:11

No ñaal naaga sax, o maad oxe a yega wiin fodne mbareena kam teeru faa Suusaan.

Esteer 8:15

Mordokay a inoora maa no maad oxaa, a rokoox ndoki no maad naa xiiyiiyna, kene a ranig fo o ndip wurus o maak fo sabadoor njoor naa daalde’na. Muu refna kam teeru faa Suusaan xa ƈeel fo xa soroxole kaa njiboogu.

A lim ale 12:6

A laya a den ee: «Nan-gilooxyo a paax fa lay es! A jegangaa a ndeer nuun o tuleer, no mbeeñax um laltinoorkan, mi o Yaal oxe, lay fo ten no ƭaaɗ.

Hebre 1:1

Yaa fa yaaga, Roog a lay’a fo daan waa in a caf a mayu fo na xa qos xa mayu na pexey duleer waa,

Esteer 7:6

Esteer a doonaan ee: «O ñaañagadil oxe fo o pañ oxe in refu Haamaan fa soxodu fene.» Maaga, diid maak a dama a Haamaan mbaambir o maad oxe fa lingeer fee.

Esteer 3:15

We lul’eena a ñofa o ndet, a ƥis kebil ne no maad oxe. Ye kebil neene a yegniteel kam teeru fa njegu saŋe fee Suusaan, o maad oxe fa Haamaan kaa moof’u a yeraa, too yaaga fop oo, teeru fee Suusaan kaa njaq’u.

Mbeeñil 9:17

No ga es, neeke mat ƴooktum pis ke fo ŋaaŋaay say den: Kaa saq’u toki celem kaa yaxgitna nen fiɗel, a nqiiyiiyit nen njan-ginaar, too a yaayit nen nqeen. A qoox ake no pis ke kaa nand’u nen a qoox njogoy, fiɗel fo fo suun fo nqeen a sutooraa no don den.

Heseki’el 1:1

No hiid qarɓeen tadkandeer ole, no ñaal ƥetkandeer ne no nqool o nahkandeer onqe, reeƭaam paam o xuluɓ olaa Kebaar, a ndeer no we ƥis’eena took o hup doole. Asamaan fee a wetooxa, too ga’aam peeñil katu na Roog.

Dañel 8:1

«No hiid o dadkandeer ole no maat Baltasaar, mi Dañel, ga’ahinaam mbeeñil naa fogreerna fo ne eet’uuma o ga.

Dañel 10:4

No ñaal qarɓeen ƭik fo ñaal nahkandeer ne no nqool o eetaand onqe, reeƭaam na ƥeeraamb ale no xuluɓ ole Tigere.