Dañel 8:12 - NQAARIIT NE ROOG

¹² A yaj ake na asamaan a ƥoxote na xa ƥay um, soo sadax ke na bes fuu refna a softel a paɗax a qoolaƭaru. O jan ole a maafiida ndigil ne a lanq too kuu ta jeem’ina rek a waagin.

Dañel 8:12 Referans Kwoze

Yeremi 12:1

O Yaal oxe, kaa o jof bo ta hup, ndax um ñimatir fa wo. Yaqanee koy, bugaam o lay fa wo kaa jofna no kate of: Xar taxu a ƭat ale no soxodu we a xenaa, hoohod we fop a ñoowaa na jam?

Esayi 59:14

Neene, a ƭat a goƭa meen, too o cofel waagaand o daaw. Ndigil ne kaa tolofaa na baayo faa, too o woor ole jegee meen a seek.

Mbeeñil 13:7

A ci’e o maafir fo we mbogna na Roog, ndax ta maaf a den. A ci’e sañ-sañ no tim oluu refna fo no saax luu refna fo na lak fuu refna fo na xeet fuu refna.

Dañel 11:28

O maad oxe no ɓemb-roog o janoon xan a nomtoox no saax um, a ɓisloox halal fa mayu. Boo ta gataa xan a gomir fo ngiɓoor ne Roog a dalinna fa xeet um soo a sogkaa o fadnook no saax um.

Dañel 8:4

Ga’aam suk mbaal le ta gomaa farna fo mudand fo farna fo ɓemb-roog o janoon fo farna fo ɓemb-roog o ñamaak. Jeg’ee muumeen faa waag’uuna o xox, too o leng waag’ee muc no ten. Kaa fi’oogu kaa feluuna soo a moƴ o maakaa.

A kim a tedu ke 119:142

O cofel of xan a ref boo faw, too a cangin of ndigil kak oo.

A kim a tedu ke 119:43

Fat fa lay fa ndigil a hataa no don es kili, yaam kaam cungaa ke simtoona.

Ke bindeena no xe ne’eena YOB 12:6

Saasaay ke o mat kaa ndef na jam kam ƭiif den, we na tooñaa a Roog a ndef no woor, doole den soom a ref roog den.

1 Sami’el 23:9

Ye Dawid a yegna paaxeer ke Sawul a waajan’uuna, a laya a Abiyataar, o saasadax oxe yee: «Ɓisiidi o jamb ole!»

A kim a tedu ke 28:5

A ƭat den yongee na pi no Yaal oxe mbaat no ke xa ƥay um a njalna. Xan o Yaal oxe a maaf a den junjang soo a fañat o inatin a den boo muk.

Dañel 7:21

Ɗeetoogaam o njan onqe, ta ref no ñoxoraa fo tedu we, a xawaa a den,