Dañel 8:10 - NQAARIIT NE ROOG

¹⁰ A maaka boo a daaw a yaj ake na asamaan, a maafiid mayu na den a lanq, a yurdiid xa qoor xa mayu soo a dak a den.

Dañel 8:10 Referans Kwoze

Mbeeñil 12:4

A laca fo a las um na qaaj a tadkandeer ale na xa qoor axe na asamaan, a yurdiid a den a lanq. Niŋki-naŋka a geenooxa paam o tew oxe gaajooxoogna, ndax oxaa mucaa ta ƴax o nqeq onqe.

Esayi 14:13

Kaa o layoogu no xeeñ of ee: «Xam ŋaay na asamaan, yoɗ uum-maamaad es, ta garit xa qoor axe Roog took. Xam moof took o joong ole Roog a xetteel, kam ee kam saax laqooxu le.

Dañel 8:7

Ga’aanum ta matkaa suk mbaal le, a songin fa doole, a gomin boo a ɓol xa can xa ƭaq axe ten. Suk mbaal le koy, jeg’ee doole faa ta xoxtuuna. Suk fambe le a maafaan soo a dakin, too jeg’ee o leng oxaa jaɓna suk mbaal le.

Dañel 7:7

Ga’ahinaam no mbeeñil ne mi kam o yeng ole ɓaanoor fa nahkandeer fa mbitnooxu, a saɗarnoox too a saq doole fa njegee sen. A ñiiñ njelem a maak a saq’u, a ñaamaa, a listaa ke ta damna soo a dakaa yoqatin ke. Kaa jektir’u fo ƥaanoor eetaand ke fop soo a jeg xa can xarɓaxay.

Dañel 11:28

O maad oxe no ɓemb-roog o janoon xan a nomtoox no saax um, a ɓisloox halal fa mayu. Boo ta gataa xan a gomir fo ngiɓoor ne Roog a dalinna fa xeet um soo a sogkaa o fadnook no saax um.

Dañel 11:30

Xan a kaal no maamaag a inoor no mudand, a songiidin. Xan a gefiɗ, a naag cook, a nomtoor a ƭat ale ta garitna garit. Cinj kaaga, xan a fuux boo a buɓaa, a gomir fo ngiɓoor ne Roog a dalinna fa xeet um. Xan a nomtooxiid soo a damit we na mbeskaa a cinj ngiɓoor tedu ne.

Yeremi 48:26

Mbayinyo a Mowaab, yaam a niwooxa paam o Yaal oxe! Fat a firkiloox kam basil um, a refat ten itam calat no fop.