Dañel 7:8 - NQAARIIT NE ROOG

⁸ Ɗeetoogaam xa can axe too ga’aam o njan o ndeɓ a sax a ndeer den, soo xa can xa tadaq na xa eetaand axe a mbuuroorit mbaambir um. O njan onqe a kid no kiin a saq’u fo o don olaa laytoogna a magnandax.»

Dañel 7:8 Referans Kwoze

Mbeeñil 13:1

Cinj kaaga, ga’aam a Ɓaanoor a sutooraa no maag olaa. A saq’a xa can xarɓaxay fo a qoox ɓetaa ƭaq, o jan oluu refna a saq o ndip, a kon a benir a Roog a mbindel na qoox ake ten.

A kim a tedu ke 12:3

Oxuu refna kaa naxaa o kend um, a saq a ƭelem a ceyir, a yoonaa fo guuɗ, a gat fo felaan.

Mbeeñil 9:7

Tooroog keene kaa nandtaa pis kaa kesaneena xire, a saq o ndip onqaa nandna fa wurus na qoox den, soo mukit den a nand fo mukit no kiin.

2 Tesalonik 2:4

Kaa fapoox, soo a inooxan fop ke na xoyeel Roog mbaat ta faɗooxeel. Xan a inooxan keene, boo a ret a moof no faɗoorand ole Roog, soo a lambnaa yee Roog a refu.

Dañel 11:36

O maad oxe xan a fi kuu feluuna. Xan a magnandoox, a fakoox mbaambir roog ke fop. Xan a lay qedu sax a Roog fee no roog ke. Xan a jeg ne ta bugna boo yaa Roog a fuuxankan, a fadin ke ta hebooxna.

Yudaa 1:16

Kaa ndef wiin waa na ñunqumtooxaa, a ƭomatooxaa, a ñoowaa na yaaw a paaxeer den, a laytaa a magnandax, soo a laasaa wiin we, yaam a mbug o njegit na den tig.

2 Piyeer 2:18

Fo a ƭelem a cegee xoox akaa mayna fo o nga’atinax, kaa naxaa we na sogaa o muc a ndeer no wiin we na ñoowaa na ƭat a saŋkax ale, yaam a yaaw cer den a paaxeer ake na ƥekaa a den caasaay.

1 Sami’el 2:3

Ba nu ndupataa fa lay fa njegee xoox, magnandooxaa na fa lay nuun, yaam o Yaal oxe kaa ref Roog faa dara kunpa’eerna too ten na hate’aa a pi no kiin oxuu refna.

2 Timote 3:2

Xan wiin we a ƈufanaa a qoox den, xaaliis rek a ref xaariit den, da ndoon a qoox den maa da mbadeerna, a nga’atinoox, a mbenaa a Roog, a mbañ o nanan we ndimna a den, a ndef giñ-a-weec. Xan a ndef waa mbugeerna a ƭat Roog,

Dañel 7:19

Cinj kaaga, bug’aam o moƴ o and kaa farna na ɓaanoor fa nahkandeer fee jektir’ina fo ƥaanoor tadik lakas ke, a saɗarnoox bo, a saq a ñiiñ njelem fo paambaañ xanjar, a ñaamaa, a listaa ke ta damna soo a dakaa yoqatin ke.