Dañel 7:2 - NQAARIIT NE ROOG

² a wetandoox teen ee: «Kam o yeng ole, ga’aam no mbeeñil ee: Qeñ nahik ke na asamaan a njumbanda juwaam fee.

Dañel 7:2 Referans Kwoze

Mbeeñil 7:1

Yaa kaaga a faafna, ga’aam malaaka nahik kaa ngeenooxna na xa saax xa nahaq axe no lanq ke, a pokoox qeñ nahik ke, ndax nqeñ leng wuuɗkatee took lanq ke mbaat no maag ole mbaat took ndaxar.

Mbeeñil 17:15

Malaaka fee a layahinaxam ee: «Poofi ke ga’oona, a caga le a moof paam den, a saax fo a paan no wiin fo qeet fo lak a ndefu.

Mace 24:31

Xan a luliid malaaka ke ten fo a luuƥ ale na bugko jibaa a maak, too xan a mbokat we ta jilna na xa saax xa nahaq axe, kaa xotitna no cat boo no cat asamaan.»

Yeremi 49:36

Xam ɓisiid took Elam qeñ nahik, da ngatiid no cat nahik ke na asamaan. Xam feesit a den qeñ keene fop. Jegkee xeet fa leng faa ga’keerna we ƈufitna Elam a ndokiidaa me ten.

Dañel 2:19

Maaga, kunpa fee a feeñle a Dañel kam o yeng ole, too a refa no simataa a Roog fee na asamaan

Dañel 7:7

Ga’ahinaam no mbeeñil ne mi kam o yeng ole ɓaanoor fa nahkandeer fa mbitnooxu, a saɗarnoox too a saq doole fa njegee sen. A ñiiñ njelem a maak a saq’u, a ñaamaa, a listaa ke ta damna soo a dakaa yoqatin ke. Kaa jektir’u fo ƥaanoor eetaand ke fop soo a jeg xa can xarɓaxay.

Dañel 7:13

Ga’ahinaam no mbeeñil ne mi kam o yeng ole oxaa nandtoogna o ƥiy no kiin ta garaa ndeer a eel ake. A fadiida me na Koorgi le, a matandiidel mbaambir um.

Dañel 8:2

Keeke refu ke ga’uuma: Kam mbeeñil ne kaam fod’u Suusaan, teeru fa maak fee no jegel olaa Elam, geenoox paam a ƈufnand ale Ulay.

Dañel 8:8

Suk fambe le a moƴ’ata magin, ndaa ye ta fodna na doole um tigi, a njan ale ten a ɓolooxa. Maaga, xa can xa nahaq xa podu ne ngaryo nga a saxa me ta reeƭna, a njagin na xa saax xa nahaq axe no lanq ke.

Dañel 11:4

Yaa ta dalinkaa maat um boo a saƭkandin, maat um xan a gef soo a xaajoox nahik. Xa ƥeem ndondandkiran, ndaa lakas na lasirkaa maat um. Kaa koy, weene njegkee doole fee ta jeg’ina.

Sakari 6:5

Malaaka fee a doonaxam ee: «Den ndefu qeñ nahik ke na asamaan na sutooraa me da ndeeƭna mbaambir no Yaal oxe jegna lanq ke fop.»

Esayi 17:12

Ey! Fangax le na saax a cegee hap ake na jibtaa nen fangax le na xa maag axe. Ŋurŋur le no qeet ke na nandtaa ŋurŋur le na yag-ee-yag a cegu doole ke.

Yeremi 51:42

O maag ole a riña took Babilon, a yag-ee-yag ake ten na palaƈaa, a muurin.