1 No hiid o feraand olaa no maat Baltasaar fee o maad oxe Babilon, Dañel a ɗaaɗa soo a ga’a peeñil no yiif um, a soƥ ta wondoox no njong um. Cinj kaaga, a binda o ƭaaɗ ole,
Paktaand ke, Dañel fee ne’it’ateena a Beltasaar fee roog es too a may fo yiif le na Roog fa tedu fee a gara mbaambir es. Wetandooxaanum o ƭaaɗ ole mi ee:
Roog a ci’a xa pes xa nahaq axeene a kortax fo o and o maak no kaa farna na pind ake fo o jeg-yiif. Dañel a doon’a teen a waag o tekit mbeeñil nuu refna fo o ɗaaɗ oluu refna.
Fat o tuleer oxe jegna o ƭaaɗ a wetandooxin, oxe daawna fa lay es o mat a yegnititin ne ta helitna. Xar ñaax le a daawru fo pep ke? Mi o Yaal oxe layun.
Ga’ahinaam no mbeeñil ne mi kam o yeng ole oxaa nandtoogna o ƥiy no kiin ta garaa ndeer a eel ake. A fadiida me na Koorgi le, a matandiidel mbaambir um.
Ye ƭuuɗ ɓetuu ƭik ke a mbangooxna, bug’aam o bind, ndaa nanaam na asamaan o ñuxur olaa layaxama yee: «Dami ke ƭuuɗ ɓetuu ƭik ke a layna rek, too fañ o bind.»
Ke i soƥna kam a Pind a Tedu ke fop kaa mbind’el yaaga, ndax ta jangin a in o muñ, a ci a in a yaalax. Neene, xan i njeg yaakaar na pexey a Pind a Tedu ke.
Ga’ahinaam no mbeeñil ne mi kam o yeng ole ɓaanoor fa nahkandeer fa mbitnooxu, a saɗarnoox too a saq doole fa njegee sen. A ñiiñ njelem a maak a saq’u, a ñaamaa, a listaa ke ta damna soo a dakaa yoqatin ke. Kaa jektir’u fo ƥaanoor eetaand ke fop soo a jeg xa can xarɓaxay.
No hiid qarɓeen tadkandeer ole, no ñaal ƥetkandeer ne no nqool o nahkandeer onqe, reeƭaam paam o xuluɓ olaa Kebaar, a ndeer no we ƥis’eena took o hup doole. Asamaan fee a wetooxa, too ga’aam peeñil katu na Roog.
O Yaal oxe a laya a Esayi yee: «Ndiiki koy, bindi keene na alfa mbaambir den, bindin itam no safe, ndax ta ref seede faa na refkaa boo faw no camaane ke na ngaraa.
O Yaal oxe a layaxam ee: «Jangi a alfa maak, o bind took fee a pind a qoolu yee: ‹Maheer saalaal haas bas› tekitna ‹Caɓe ke, ñofandooxi, yaq fee a matiida›.
Cinj kaaga, Yeremi a waaƭa o laxas safe lakas, a cooxin a Baruk fee o piibind oxe, too a ref o ƥiy Neriya. Baruk a binda teen ne Yeremi a laytooguuna o ten fa lay fee no laxas safe le fop Yoyakim fee o maad Yudaa a dox’ina. Fa lay fa lakas fa mayu fa nandu neen a ɓaatahine teen.
soo ta ɓisaam maaga. No peeñax Roog, a ɓisaxam no saax laa Isra’el, soo a doonaam took o joong o jiig olaa jeg’ina no ɓemb-roog o ñamaak nandu nen maq teeru.