Dañel 6:3 - NQAARIIT NE ROOG

³ A doda daduk waa kelfa’na weene ndefanuuna. Dañel o leng no daduk weene a reeƭu, too we ndefanna o maad oxe a mbar’a o andnooraa a den a ñaaƈnooƭ den fop, ndax o leng ñaamkee o maad oxe.

Dañel 6:3 Referans Kwoze

Dañel 5:14

Nanaam ee kaa o may fo yiif le Roog, too kaa o ga’aa qoolu, ƴiƴ, saq yiif jegee sen.

Xa peƭit axe 22:29

Muu ga’oona oxaa waane’na no ke ta jalaa, o mboƭomsogor jalnoorkiran, ndaa o maad oxe.

Dañel 5:12

A saqa yiif jegee sen, a jeg a kortax, a ƴiƴ, a waag o tekit xa ƭaaɗ, a and a nax-o-gut soo a xoolnaa ke wegna xoox. Yaaga boog, fat o koor oxeene ne’eena Dañel, too o maad oxe a ne’’atun Beltasaar a ɓisiidel, too xan a lay ke bind leene a tekitna.»

Esteer 10:3

A refangeerna o maad Asuwerus, jeg’ee kam maat ne oxaa hupna a Mordokay, o Yaawuur oxe. Yaawuur we fog um a niw’aan lool too a mbexin, yaam kaa waaƭoogu kaa faaxna na xeet um, soo a layanaa fog um kaa na jootinkaa a den o feet.

Dañel 9:23

Ye feroona xeɗaa a Roog, a jaaɓaang, too kaam gar ndax um yegnong o ten, yaam a fexaang. Ndiiki koy, dami fa lay fee, and mbeeñil ne.

Xa peƭit axe 17:27

Oxe na harnaa fa lay um o yaal yiif oo, oxe fodna o mbid a ref o kiin o ƈiƴu.

O baawaare xe 2:13

Ga’aam ee o jeg-yiif ole hupu o njiriiñ ƭof ne, ne a qoolaand ale a hupitna o niɓaan ole o njiriiñ.

Nehemi 7:2

Doonaam a Yeerusaleem na xa ƥay Hanani fee o pog es fo na xa ƥay Hananiya fee adooxanna saŋe ne. We nand’ina fa Hananiya no ngor fo no saɗar a Roog mayee.

Dañel 5:7

A falalooxa fa doole ndax ta ɓisiidel ɗeet we, ñaañango we fo maɗag we kam Babilon fop, too a laya yaal-o-and weene yee: «Oxuu janganaxama bind lene soo a tektanaam o ten xan a rokel ndoki daalde mosu, a hiɓanel ceq wurus no cok um soo a refat o tadkandeer oxe doonna o ɓay no maat ne.»

Esdaraas 4:22

Mbootooxyo o saganit keene, ndik maad we a njeg ngaañ naa moƴna o ɗom.»