Dañel 5:2 - NQAARIIT NE ROOG

² Yaa ta yaacna saf yaam biiñ fee, a heblita o ɓisiidel a tokol wurus fa xaaliis ake faap um Nebukadnesaar a xotit’ina no Mbind Roog naa Yeerusaleem, ndax ta yerit a den, ten fo wiin maak we ten fo reem fo keƈ-a-salma ke ten.

Dañel 5:2 Referans Kwoze

Dañel 1:2

O Yaal oxe a ɓoxota a Yoyakim fee o maad Yudaa na xa ƥay um, soo a xaƴin ta jang na xa ƥaxañ axe no Mbind Roog ne. Nebukadnesaar a ɓisa a Yoyakim fo wiin um Sine’aar took o hup doole, soo xa ƥaxañ axe, ta ɓek a den kam mbind ne no roog ke ten, a diƈ a den na kamba le.

2 Maad we 24:13

Nebukadnesaar a janga halal fee no Mbind ne no Yaal oxe fa fee no mbind no maad ne. A gefa xa ƥaxañ wurus axe o maad Salomo a fi’in’ina kam Mbind ne no Yaal oxe. Neene, ke o Yaal oxe a lay’ina a fadnooxa.

Dañel 5:23

Kaa o inooxan o Yaal oxe refna na asamaan boo simit o ɓisaniidel a tokol a tedu ke inoorna no Mbind um, nu yertaa a den biiñ, wo fo wiin maak we wo fo rew we wo fo keƈ-a-salma ke wo, doon teen simataa roog ke mbi’teena xaaliis, wurus, xanjar, njelem, a teex fo a ƥil, roog puulu keene naangeerna o nanaa too andee tus, soo fañ o ɓoxot o ndam a Roog fee saqna o ñis of, a gayaa a pi of fop.

2 Maad we 25:15

O aa-adax oxe no yeeyetax we a janga itam fo njaq ne, xa toon xa biisir axe fo fop ke fi’it’eena wurus mbaat xaaliis.

Dañel 5:18

Daali maad, Roog fee Took-ee-took a fi’a na faap of Nebukadnesaar o maad o maak oxaa mayna o ndam fo o magnel.

Dañel 5:13

Maaga, Dañel a ɓisiide mbaambir no maad oxe. O maad oxe a laamtaan ee: «Ndax wo refu Dañel fee fogna no we faap es fee reeƭna o maad a ɓistiidna Yudaa took o hup doole?

Dañel 5:11

Kam maat ne wo, a jega o koor oxaa mayna fo yiif le na Roog fa tedu fee. Na jamaane faap of i nga’a no ten ee oxaa na ga’aa qoolu a refu, a ƴiƴ soo a jeg yiif laa nandna fo le Roog. Keene tax’u o maad Nebukadnesaar fee faap of a dalin’un kelfa no maɗag we fo ɗeet we fo fan we fo saltiki ke.

Dañel 5:4

Den fop a yera biiñ soo a ndef no simataa roog ke mbi’teena wurus, xaaliis, xanjar, njelem, a teex fo a ƥil.

Yeremi 52:19

O aa-adax oxe no yeeyetax we a janga itam xa toon axe, fo njaq ne, a tokol a biisir ake, fo ngaleera ne, a pagal ake na xa lampa xe, a tokol a lakas ake fo xa bool axe, fop ke fi’it’eena wurus mbaat xaaliis.

Yeremi 27:7

Qeet ke fop xan a ndagooxin, ten fo o ƥeem fo o ndaan um, boo na waxtu fee saax um a hapaneena itam, yaa qeet cegu katil fo maad maak a ndamkan mbaƭ.

2 Caloori ke 36:18

Nebukadnesaar a ɓisa kam Babilon tig oo tig ke no Mbind Roog ne, maak fo teɓ fa halal fee no Mbind ne no Yaal oxe fa fee no maad oxe fa fee no cawdiin ke ten.

2 Caloori ke 36:10

Farna fo o hiid o xas ole, o maad Nebukadnesaar a ɓisaan Babilon ten fo xa ƥaxañ xa cegu njiriiñ axe no Mbind ne no Yaal oxe soo a dalin a Sedekiya fee faap ndeɓ Yoyakin ta maadooxaa kam Yudaa fa Yeerusaleem.

2 Caloori ke 15:16

O maad Aasa a watna sax lingeer ne Maaka fee maam um yaam oxeene kaa sipan’u a Asera mbangool. Aasa a yaqa mbangool neene, a duguñin soo a doxtin na yulanq alaa Kederon.

2 Caloori ke 11:20

Rehabewam a gilgahina a Maaka fee o ƥiy o ndew Absalom. Oxeene a jega fo ten xa ƥiy xa koor da ndef: Abiya fa Atay fa Siisa fa Selomit.

2 Sami’el 9:7

Dawid a layaan ee: «Ba o saɗar dara. A woora yee xam lalong o paaxel es yaam Yoonatan fee faap of. Xam daknong lanq ke maam-koor of Sawul a jeg’ina, too xan o fogataa fa mi o roon kili.»

Esdaraas 5:14

O maad Kiirus a watnita sax no faɗoorand ole Babilon xa ƥaxañ wurus axe fo axe mbi’teena xaaliis Nebukadnesaar a watnit’ina no Mbind Roog ne Yeerusaleem, a ɓis a den no faɗoorand ole Babilon. Kiirus a cooxa a den oxaa ne’eena Seesbasar fee ta dalin’ina gofornoor

Yeremi 50:35

O Yaal oxe kaa tee: «Fat laƥ ne a dal took no Kaakalde we, took no we ngenna Babilon fo kelfa ke ten fo yaal-o-and we ten.

Dañel 5:3

A tokol wurus ake ngat’ina no Mbind Roog naa Yeerusaleem a ƥisiide, too o maad oxe fo wiin maak we ten fo reem fo keƈ-a salma ke ten a yerta a den.

Dañel 5:30

No yeng olaaga sax sax, Baltasaar fee o maad oxe Babilon a ware,