Dañel 4:9 - NQAARIIT NE ROOG

⁹ Saqit le ten kaa neep’u bo, xa tim um a naang gañ, fop a ñoowaa teen. Muumeen ke na koƥ ale kaa yookooxoogu teen, tiiƭ ke a ndutaa na naaq um, mbindel nuu refna a xottaa no ten ñoowir um.

Dañel 4:9 Referans Kwoze

Dañel 5:11

Kam maat ne wo, a jega o koor oxaa mayna fo yiif le na Roog fa tedu fee. Na jamaane faap of i nga’a no ten ee oxaa na ga’aa qoolu a refu, a ƴiƴ soo a jeg yiif laa nandna fo le Roog. Keene tax’u o maad Nebukadnesaar fee faap of a dalin’un kelfa no maɗag we fo ɗeet we fo fan we fo saltiki ke.

Dañel 2:48

Cinj kaaga, o maad oxe a fi’a a Dañel a kag a maak, soo a cooxin ci’it mayu cegu o njiriiñ. A dodaan jaraaf fee no jegel ole Babilon fo kelfa no yaal-o-and we Babilon fop.

Dañel 4:8

Ndaxar neene koy, kaa moƴoogu moƴ o maakaa too a magnaa rek, boo o jul ole a duqataa a asamaan fee. Muu fodoona na adna fee, o ga’an.

Dañel 4:5

Paktaand ke, Dañel fee ne’it’ateena a Beltasaar fee roog es too a may fo yiif le na Roog fa tedu fee a gara mbaambir es. Wetandooxaanum o ƭaaɗ ole mi ee:

Dañel 1:20

A mbanuu o maad oxe a laamit’ina a den no kuu ta waagna waag o ref, too ta laamit o and fo o jeg-yiif, ke da ndoonoogna a gartooga took boo a caf xarɓaxay xa toonanqol axe no maɗag we fo ɗeet we no maat um fop.

Heseki’el 28:3

Ga’angi, wo hupu a Dañel o and, jegee kunpa fa leng faa andeeroona.

Mberaand 41:38

Firawon fee a laya a den ee: «Ndax i mbaaga o njeg o kiin o nandu fo xene oxaa jegitna nen o ten Yiif le Roog?»

Dañel 4:18

saqit le ten a neep bo, xa tim um a naang gañ, a ñoownaa fop, muumeen-a-koƥ ke a yookooxaa teen, tiiƭ ke a ndutaa na naaq um,

Esayi 54:14

Xan o saƭkandtel o cofel, laqel ñagadil nuu refna, too jegkatiro dara kaa o saɗaraa. Kaa na diidlandaa faambnooxkatirang, matkatirang a mat sax.

Esayi 33:18

Xan yiif of a gomaa diid le faafna soo o laamtooxaa yee: «Taa o koohorax oxe fo o taarabdinax juuti xe boog? Taa we limoogna taax-took ke?»

1 Sami’el 4:8

Sabab took in! An na mucilkaa a in boog no ɓay ole na Roog fa mayu katil feene? Roog feene mat refu fee xawit’ina Miimisira waa fo taamaala fuu refna kam a koƥ-a-ƥor alaa.

Dañel 2:47

Cinj kaaga, a laya a Dañel ee: «No ndigil Roog fee nuun hupu roog ke fop too ten kelfa’u maad we fop. Andaam ee ten soom na feeñlaa kunpa ke, feek tektanaxamo kunpa fene.»

Heseki’el 17:23

Xam jimbin took o joong o jiig kam Isra’el. Xan a sax a naaq soo a saq xa tim too xan a refat ndaxar seedar maak mosu. O xos ndiiƭ oluu refna xan a rut na naaq um. Kuu jegna a nafir xan a raang no yook ne na naaq um.