Dañel 4:6 - NQAARIIT NE ROOG

⁶ Wo Beltasaar fee kelfa’na maɗag we, andaam ee mayaa fo yiif le na Roog fa tedu fee too kunpa fa leng laqooxirang. Layaam boog ke o ƭaaɗ es oleeke a tekitna:

Dañel 4:6 Referans Kwoze

Dañel 2:2

A xoyna maɗag we, ɗeet we, ñaañango we fo fan we, ndax da layin ke ta ɗaaɗna. Yaa waaga a mbadiidna boo a ngeenoox mbaambir um,

Esayi 8:19

Xan nu nan ta layel ee: «Ƈufginooxyo xon we, nga’ir fo ɗeet we na nde’ooxaa soo a asooxaa.» Mee ndax xeet fee Roog um a waru o ƴufginoox! Xar taxu boog o ñoow a ƴufginooxaneel o qon?

A sutax ale 7:11

Firawon fee o mat a xoyna ɗeet we fo ñaañango we Misira. Yaal-o-and weene koy, a mbi’a leng kut ke Aaroon a fi’na.

Dañel 5:7

A falalooxa fa doole ndax ta ɓisiidel ɗeet we, ñaañango we fo maɗag we kam Babilon fop, too a laya yaal-o-and weene yee: «Oxuu janganaxama bind lene soo a tektanaam o ten xan a rokel ndoki daalde mosu, a hiɓanel ceq wurus no cok um soo a refat o tadkandeer oxe doonna o ɓay no maat ne.»

Dañel 1:17

Roog a ci’a xa pes xa nahaq axeene a kortax fo o and o maak no kaa farna na pind ake fo o jeg-yiif. Dañel a doon’a teen a waag o tekit mbeeñil nuu refna fo o ɗaaɗ oluu refna.

Dañel 2:48

Cinj kaaga, o maad oxe a fi’a a Dañel a kag a maak, soo a cooxin ci’it mayu cegu o njiriiñ. A dodaan jaraaf fee no jegel ole Babilon fo kelfa no yaal-o-and we Babilon fop.

Dañel 4:15

Keene refu ke ɗaaɗuuma, mi o maad Nebukadnesaar. Yaaga boog, wo Beltasaar, tektaam o ƭaaɗ oleene, yaam o leng no yaal-o-and we no maat ne mi waagiraam o tekit o ten, ndaa wo o mat, waagaano, yaam yiif le na Roog fa tedu fee oxe fa wo.»

Dañel 5:11

Kam maat ne wo, a jega o koor oxaa mayna fo yiif le na Roog fa tedu fee. Na jamaane faap of i nga’a no ten ee oxaa na ga’aa qoolu a refu, a ƴiƴ soo a jeg yiif laa nandna fo le Roog. Keene tax’u o maad Nebukadnesaar fee faap of a dalin’un kelfa no maɗag we fo ɗeet we fo fan we fo saltiki ke.