Dañel 4:5 - NQAARIIT NE ROOG

⁵ Paktaand ke, Dañel fee ne’it’ateena a Beltasaar fee roog es too a may fo yiif le na Roog fa tedu fee a gara mbaambir es. Wetandooxaanum o ƭaaɗ ole mi ee:

Dañel 4:5 Referans Kwoze

Dañel 2:1

No hiid o ɗikandeer ole no maat um, Nebukadnesaar a ɗaaɗa, a jaaxiɗ teen boo ta yaqanin o ɗaan.

Dañel 7:28

Meeke ke xewna a muukooru. Mi Dañel o mat, yiif es kaa jaq’u no keene boo um foorat a kid, ndaa geek’aanum taa kam es.»

Dañel 5:10

Ye lingeer fee a nanna xa buuq axe no maad oxe fo wiin maak we ten, a roka na ndok ale na bumbaayteel, a lay ee: «Daali maad, yaasam o xuuɗ! Baa yiif of a jaq boo a tax o foor a kid neeke!

Mberaand 41:1

Xa kiid xa ƭaq a cinj kaaga, Firawon fee a ɗaaɗa o geenoox paam o xuluɓ ole Niil.

Dañel 2:3

a laya a den ee: «Kaam ɗaaɗ kaa jaaxlandaxama, too bugaam nu layaam o ten.»

Dañel 4:10

Ye maaduuma o wondooxaa no njong ne mi, ga’ahinaam malaaka fa tedu a fudoortiidaa na asamaan.

Dañel 4:13

Baa yiif um a refat yiif no kiin, ndaa fat a saq sagu muumeen, ta refit keene boo xa kiid ɓetaa ƭaq!

Dañel 4:19

wo o mat oo, wo daali maad fee refatna o maad o maak o cegu doole, o magnel of a lawna boo a cuqaa asamaan, ngelfa of a xay boo no cat adna.

Dañel 7:1

No hiid o feraand olaa no maat Baltasaar fee o maad oxe Babilon, Dañel a ɗaaɗa soo a ga’a peeñil no yiif um, a soƥ ta wondoox no njong um. Cinj kaaga, a binda o ƭaaɗ ole,

Dañel 1:7

Oxe kelfa’’ina cawdiin ke a ne’a a den a kon a kaakalde. A ferana a Dañel Beltasaar, Hananiya ta feranin Sadrak, Misa’el ta feranin Mesak, soo Asariya ta feranin Abed-Nego.

Dañel 4:15

Keene refu ke ɗaaɗuuma, mi o maad Nebukadnesaar. Yaaga boog, wo Beltasaar, tektaam o ƭaaɗ oleene, yaam o leng no yaal-o-and we no maat ne mi waagiraam o tekit o ten, ndaa wo o mat, waagaano, yaam yiif le na Roog fa tedu fee oxe fa wo.»

Dañel 5:11

Kam maat ne wo, a jega o koor oxaa mayna fo yiif le na Roog fa tedu fee. Na jamaane faap of i nga’a no ten ee oxaa na ga’aa qoolu a refu, a ƴiƴ soo a jeg yiif laa nandna fo le Roog. Keene tax’u o maad Nebukadnesaar fee faap of a dalin’un kelfa no maɗag we fo ɗeet we fo fan we fo saltiki ke.