Dañel 4:4 - NQAARIIT NE ROOG

⁴ Yaa maɗag we fo ɗeet we fo fan we fo saltiki ke a mbadiidna, wetandooxaam a den o ƭaaɗ ole, ndaa mbaag’iraam o lay ke ta tekitna.

Dañel 4:4 Referans Kwoze

Sofoni 1:12

Na jamaane faaga, xam joktoox a Yeerusaleem fo o jam, too xam xaw goor we yaadooxna nen biiñ fa mbendu faa diƈooxna no nqiim um, soo a layaa taa kam den ee: ‹O Yaal oxe naagee fi’aa paax mbaat paaxeer.›

Heseki’el 29:3

Yaƥati too lay ee: Keeke layum, mi o Yaal oxe na refkaa boo faw: Xam ɓekong o ɓay, wo Firawon fee o maad Misira, wo fa noox fa maak fee na wondooxaa ndeer xa quluɓ axe wo, layaa yee: ‹Niil fee mi jegun, mi fi’oodun!›

Heseki’el 28:17

Yegaa a xoox of yaam o mosel ole wo, sooƴnit o and ole wo o ndam onqe wo. Deɓaaxoong a lanq, liilong mbaambir no maad we, ndax da mbuudang.

Yeremi 48:11

O Yaal oxe kaa tee: «Mowaab kaa ñoowoogu na jam no kaa xotitna no ndeƥandoong um, mosaand o ɓis gilaa saax took o hup doole. Kaa yaadoox’u nen biiñ faa wendna boo a diƈoox no nqiim um. Mosaand o yiƥadoox ndeer o ƥaxañ fo o gend um, a maada fo a safaan um, too a qeeñaan um suptooxee.

Esayi 56:12

Kaa layaa yee: ‹Ngaryo i mbaaƭik biiñ, yer a yer a qaaɗu. O feet xan a nand nen a xaye, yaam ke yoqna waagaand tig.› »

Dañel 4:19

wo o mat oo, wo daali maad fee refatna o maad o maak o cegu doole, o magnel of a lawna boo a cuqaa asamaan, ngelfa of a xay boo no cat adna.

Dañel 2:11

Ke o simtaa kaa ɗom boo o leng waagirang o lay o ten, a refangee roog ke soom, too sax ngenee fo wiin we.»

Dañel 5:8

Yaal-o-and we no maad oxe fop a matiida, ndaa mbaag’ee o njang bind le, ne’atiim o tektin o maad oxe.