Dañel 4:2 - NQAARIIT NE ROOG

² Bes, a jopir tige a yeng, wondooxaam no njong es too ɗaaɗaam kaa jaaxɗandaxama, feeñlel kaa wegna xoox es.

Dañel 4:2 Referans Kwoze

Dañel 3:26

Cinj kaaga, Nebukadnesaar a matiida begax ne na fuur fee na kaƥaa jir-jir, soo a falaloox ee: «Sadrak fa Mesak fa Abed-Nego, nuun dag we Roog fee Took-ee-took, sutooxiidyo too ngar!» Maaga, Sadrak fa Mesak fa Abed-Nego a sutooxiida fiɗel le.

A kim a tedu ke 66:16

Nuun fop we saɗarna a Roog, ngaryo nan-giloox, too xam wetandoox a nuun ke ta fi’anaxama.

A kim a tedu ke 71:18

Wo Roog, ba o xaƴaam, yaa nogoyuuma soo fuum. Yaaga xam waag o yegin suk ke na ngaraa doole of, we na ndeefkaxam, um yegin a den katil of.

A kim a tedu ke 51:14

Ɓoxotaam o ɗaay ole jeg’uuma, ye muclaxamoona, too ci’atinaam yiif jagandooxu.

Yosuwe 7:19

Yosuwe a laya a Akaan ee: «O ƥees, ɓoxoti o Yaal oxe Roog fee Isra’el o ndam, niwin too layaam ke fi’oona, fañaam o ɗas dara.»

YEGIL MBAAX NE YEESU ne Saŋ a bindtuuna 4:48

Yeesu a layaan ee: «Nu ngimkee muk, a refangee kaa nu nga xa anddiloor fo comlaand!»

Dañel 4:17

Ndaxar ne ga’oona, too o jul ole ten a duqaa asamaan fee, boo muu fodoona na adna fee, o ga’an,

Dañel 4:24

Ten taxu, wo daali maad, xaƴi yiif of no keeke um asang: Waasi pakaad ke o fi’aa, jofnoox na pi a paax, fes tooñ of a cinj, yirim we toroxna. O fi’angaa keene, xeƈa xan o yaadax of a miñ fa wo.»

Dañel 4:25

Keene fop yegnit’eena a dala took o maad Nebukadnesaar.

Dañel 4:34

Ndiiki koy, mi Nebukadnesaar, kaam simataa, tagasaa soo ɓoxotaa o ndam o Maad oxe na asamaan. Ke ta fi’aa fop kaa xot a ƭat, a pi um a njof, too a waaga neewand we na ñoowaa na magnandax.»

Dañel 5:18

Daali maad, Roog fee Took-ee-took a fi’a na faap of Nebukadnesaar o maad o maak oxaa mayna o ndam fo o magnel.

Dañel 6:27

Mexe heblitaa yee me maat es a reefeena fop, fat wiin we a saɗar too a niwaa a Roog fee Dañel yaam ten refu Roog fa ñoow jok fee, too xan a ref boo faw! Maat um gefkee muk, maatax um jegkee muukandoong.

Dañel 7:25

Xan a lay paaxeer no xe Took-ee-took, a toroxand tedu we ten, a fexey o supit a pe ake fo kebil ke, too xan tedu we a ƥoxotel na xa ƥay um boo xa kiid xa tadaq fa genwal.

Ke bindeena no xe ne’eena YOB 7:14

maaga, kaa o diidlandtaxam xa ƭaaɗ, saɗarnoortaxam yeeyeng.

A kim a tedu ke 65:9

We ngenna na adna a ndiida boo no we no cat adna yaam xa anddiloor axe wo. Kaa o ƴeelnooraa wiin we fop, a xotit no batand boo no mudand.

Dañel 2:1

No hiid o ɗikandeer ole no maat um, Nebukadnesaar a ɗaaɗa, a jaaxiɗ teen boo ta yaqanin o ɗaan.