Dañel 3:4 - NQAARIIT NE ROOG

⁴ Oxe adooxan’ina ndoofeen ne a laya a maak ee: «Nuun fop we inoortiidna no qeet ke fop fo na saax ake fop fo no lak ke fop, nan-gilooxyo kebil neeke:

Dañel 3:4 Referans Kwoze

Dañel 6:25

Cinj kaaga, o maad oxe a heblita ndax we njamboogna a Dañel a njoorel me cogoy ke a mbegeena, den fo xa ƥiy den fo rew den. Ye da ngelkaa fo mbad kam fee sax, cogoy ke a songa a den, a mbandir a den.

Dañel 4:1

«Mi Nebukadnesaar, kaam yaadoox’u, ɗaay bo no mbind no maad es.

Mise 6:16

Kaa nu ndeefaa o jaf Omri, laalaa a pesoorooƭ ake Ahab fee o ƥeem fo xa taan um fop, ndeefaa xa as den. Ten taxu xam ɓoxot teeru fee nuun, ta gefel, soo nuun we ngenna teen, um fi a nuun calat. Xan nu nqeefel a ndeer qeet ke fop.»

Hoose 5:11

Efrayim xan a ñagadilel soo wargal um a duguñel, yaam kaa felin ta reefaa xa koɓong.

Dañel 4:14

Malaaka tedu ke ndalnu keene, ndax fop we na ñoowaa a and ee Roog fee Took-ee-took kelfa’u maat ke no wiin we, a ci’an oxuu feluuna too a waaga coox maat oxe moƴna hees no wiin we sax.›

Esayi 58:1

O Yaal oxe kaa tee: «Falalooxi a maak, fañ o waas. Fat o ñuxur of a nannoox koƭu nen fangax a luuƥ. Yegni xeet es njofaƭar den, andnoor we no mbind Yakoob pakaad den.

Esayi 40:9

Ŋaayi took o joong o jiig, wo Siyoŋ fee na yegnitiidaa yegil mbaax ne. Kaam ee fat o ñuxur of a jib took, wo Yeerusaleem fee na ɓisiidaa o nan o felu le. Jibneen, too ba o saɗar dara. Layi teeru ke Yudaa yee: «Roog nuun oxey!»

Esteer 8:9

No ñaal leng kut naaga, fodir’ina fo ñaal qarɓeen ƭik fo ñaal tadik no nqool o ndadkandeer onqe, refna ref o nqool Siwan, biibind we no maad oxe a nqoye, ndax da mbind na xa leetar ke Mordokay a lalgandkaa a den. Xa leetar axeene a mbinde Yaawuur we fo we ndefanna o maad oxe fo gofornoor ke fo kelfa ke na xa cegel teemeed fo xa cegel qarɓeen ƭik fo xa cegel ɓetaa ƭaq axe no maat ne, a xotit no saax laa End a damik boo no laa Kuus. Kaa mbind’el na pindooƭ o jegel oluu refna, xeet fuu refna no ɗelem um, soo no Yaawuur we itam na pindooƭ den fo no ɗelem den.

Mbeeñil 5:9

Maaga, a ngimooga a kim a qas alene: «O xot a kayit ale soo ñaƥit xa ñaas axe jombirang, yaam kaa o war’el. Na pexey fo’oy of watanaa a Roog wiin inooru no tim oluu refna, na lak fuu refna fo no saax luu refna fo na xeet fuu refna.

Dañel 3:3

Kelfa keene fop a mbokatooriida mbaambir nitaal ne o maad Nebukadnesaar a sip’ina, ndax da ndoofandin.

Dañel 3:7

Neene boog, yaa wiin we no qeet ke fop fo na saax ake fop fo no lak ke fop a nanna a luuƥ fo a liit fo simb fo o nqilimb fo riiti fo kuu na fakteel, a ngunga a lanq, a mbaɗoox nitaal ne o maad Nebukadnesaar a sipna.

Dañel 3:10

Daali maad, wo o mat heblitu yee: ‹Oxuu nanna a luuƥ fo a liit fo simb fo o nqilimb fo riiti fo a seeluumb fo kuu na fakteel, fat a gung a lanq, a faɗoox nitaal wurus ne,