Dañel 3:12 - NQAARIIT NE ROOG

¹² Me ta refna koy, daali maad, Yaawuur weeke, ndefna Sadrak fa Mesak fa Abed-Nego, ɓoxotoona a naaƈnooƭ ale no jegel ole Babilon, a ƭat den yongee no ke heblitoona. Kaa mbañ ee mbaɗooxkee roog ke wo too ngungee mbaambir nitaal wurus ne sipoona.»

Dañel 3:12 Referans Kwoze

Dañel 6:13

Cinj kaaga, a ndeta, a soƥik o maad oxaa, a layin ee: «Daali maad, ndax bindiro kebil naa layna yee ndeer mene fo ñaal qarɓeen tadik, oxuu xeɗna a roog mbaat mbindeef lakas naa refeerna wo, wo daali maad, fat a deɓel maa cogoy kaa a mbegeena?» O maad oxe a doona yee: «Keene a woora, ne ta merna reftaa no kebil ke no Meemedi we fo Peepersi we mbaagaandeena laaf.»

Dañel 2:49

Dañel a xeɗa o maad oxe ta ɓoxot a Sadrak fa Mesak fa Abed-Nego da ngadoox a ñaaƈnooƭ ale no jegel ole Babilon. Ten o mat a yoqa no mbind ne no maad oxe.

A pi ake 17:7

Yaason a dalna a den, too den fop naangee o ndeefaa ke kebil ke Kesaar fee a simitna. Kaa layaa yee a jega o maad o lakas o ne’e Yeesu.»

Xa peƭit axe 27:4

Ngañak kaa yedin, fuux le a ref nen poofi kaa mbalna, naal koy, an waagun o xox?

A pi ake 5:28

A laya a den ee: «I mbañta a nuun boo nqij ee ba nu mbaare’tat gon leene. Nu nga’aan! Nu nqaɓa a Yeerusaleem na waare fee nuun, soo mbug o mbudin took in fo’oy le no koor oxeene!»

O baawaare xe 4:4

Ga’aam ee ŋus-ŋus fuu refna fo calel ñaaƴu kuu ndefna ciis rek garu fo ten. Keene kaa refahin kasaara fo a ƥaaƈ a ƥor.

Esteer 3:8

Haamaan a laya o maad Asuwerus ee: «Daali maad, kaa jeg xeet faa ndefna xeet a qoox den, a pasaroox kam xa cegel axe no maat of fop. Kebil den kaa njektir fo ke no qeet lakas ke fop, too ndeefkee muk bargal of. Refkee ngoora of, yaa xaƴoona a den fo njaambuur den.

Dañel 1:7

Oxe kelfa’’ina cawdiin ke a ne’a a den a kon a kaakalde. A ferana a Dañel Beltasaar, Hananiya ta feranin Sadrak, Misa’el ta feranin Mesak, soo Asariya ta feranin Abed-Nego.

Dañel 2:48

Cinj kaaga, o maad oxe a fi’a a Dañel a kag a maak, soo a cooxin ci’it mayu cegu o njiriiñ. A dodaan jaraaf fee no jegel ole Babilon fo kelfa no yaal-o-and we Babilon fop.

Dañel 3:11

too oxuu gungeerna, a fañ o faɗooxin, fat a deɓel ndak fo ndak kam fuur faa na kaƥaa jir-jir.›

Dañel 3:16

Sadrak fa Mesak fa Abed-Nego a ndoona o maad Nebukadnesaar ee: «I soxla’irang o ndoon no keene.

Dañel 3:29

Ten taxu mexe heblaa keeke. A soƥangaa yee kaa jeg o kiin na xeet fuu ta refna mbaat no saax luu ta refna mbaat na lak fuu ta refna, oxaa na layaa cageer na Roog fee Sadrak fa Mesak fa Abed-Nego fat o kiin oxeene a ɗegel teɓ-reɓ soo mbind um a fokatel a fi’el ngañ. Yaam jegee a roog fa lakas faa waagna o muclit nen o ten.»

Dañel 3:30

Cinj kaaga, o maad oxe a doxna a Sadrak fa Mesak fa Abed-Nego calel kaa moƴna o njeg o njiriiñ we ta eet’ina o doxin a den no jegel ole Babilon.

Dañel 6:14

A kafahina fa lay faa soo a lay o maad oxe yee: «Dañel koy fee fogna no we ƥistiideena Yudaa took o hup doole, a ƭat um yongee na wo, wo daali maad, fo no ke xañtoona too dalnin. Kaa xeɗaa a Roog um a caf a tadak ñaal nuu refna.»