Dañel 3:1 - NQAARIIT NE ROOG

¹ O maad Nebukadnesaar a simta nitaal wurus naa geel um a fi’na xa noonoong qarɓeen ɓetuu fa leng, soo o yaajel um a fi xa noonoong ɓetuu fa leng, a sipin na xa saawit axe Duura no jegel olaa Babilon.

Dañel 3:1 Referans Kwoze

Habakuk 2:19

Sabab took no xe na layaa a teex ale yee: ‹Inooxi!› a lay ɓil yo’nukeer le yee: ‹Yokooxi!› Ndax a mbaaga o mbeeñil tig? Kaa soorel wurus fa xaaliis, ndaa o ñoow refee na den muk.

Yeremi 16:20

Ndax o kiin a waaga fi’an a xoox um roog? Ke na mbi’eel ndefee roog.»

Esayi 46:6

A jega waa na mbaltaa nafa den, a eedaa xaaliis fee fa wurus fee, a ndabid o qaaxaw ndax ta xawan a den a roog faa da mbugko mbaɗooxaa, a ngungaa mbaambir um.

Hoose 8:4

Kaa ndalnaa maad, too asooxkiraam, a njilaa kelfa, too yegkinum. Kaa njalnaa pangool fo qaaliis ke den fa wurus fee den, a qicaa took den a saŋkax.

A pi ake 19:26

Kaa nu nga’ee, ndi kaa nu nanee ke o koor oxene, tee Pool oo, a fi’na? Kaa lambnaa yee ‹Nitaal ke nu mbi’na roog ndefee Roog.› Ndiiki koy, oxe gimnooraa wiin mayu, refee kam Efees soom, ndaa boo no moƴ-o-jaak olaa no jegel olaa Asi sax a ngima.

A pi ake 17:29

Ten taxu in itam, ne i mbogna na xeet fee Roog, i mbaree o nandandit a Roog nitaal wurus mbaat xaaliis mbaat ɓil ndefna kaa o kiin o baane’u a fi’na.

Esayi 2:20

A koom, xan wiin we a ndeɓan a pom ake fo a ƭeem ake pangool ke da mbi’itna wurus fa xaaliis, a ngungaa mbaambir den,

A kim a tedu ke 135:15

Pangool ke no qeet ke kaa ndef nitaal xaaliis mbaat wurus kaa o ɓay no kiin a jalna.

1 Maad we 12:28

A cinj ye o maad oxe a laamitna o as, a fi’na xa qeel wurus xa ƭaq soo a lay xeet faa yee: «Nu nqija no ndetaa Yeerusaleem! Nuun Ii-isra’el we, keeke ndefu roog ke nuun sutitna a nuun no saax laa Misira.»

Dañel 5:23

Kaa o inooxan o Yaal oxe refna na asamaan boo simit o ɓisaniidel a tokol a tedu ke inoorna no Mbind um, nu yertaa a den biiñ, wo fo wiin maak we wo fo rew we wo fo keƈ-a-salma ke wo, doon teen simataa roog ke mbi’teena xaaliis, wurus, xanjar, njelem, a teex fo a ƥil, roog puulu keene naangeerna o nanaa too andee tus, soo fañ o ɓoxot o ndam a Roog fee saqna o ñis of, a gayaa a pi of fop.

Dañel 2:48

Cinj kaaga, o maad oxe a fi’a a Dañel a kag a maak, soo a cooxin ci’it mayu cegu o njiriiñ. A dodaan jaraaf fee no jegel ole Babilon fo kelfa no yaal-o-and we Babilon fop.

Yeremi 10:9

Xaaliis fa nqawe faa ɓistiideena Tarsis fa wurus faa ɓistiideena Ufaas a mosandte. O seesex sexu a den, o paal wurus a xaw a den. Roog keene kaa ndokeel haŋik fa nqiiyiiy fo haŋik fa yeeq. Den fop no waane no kiin doŋ a ngatu.

Esayi 30:22

Xan o ɗeet nen qoolaƭaru xaaliis fee muurna nitaal sexe ke wo fa wurus fee xa taaƴ xa cawe xe wo a soobteena. Xan o ɓax a den nen ƭaaq, lay a den ee: ‹Acayo tafil!›

A cangatin ale 7:25

Fat nu ndox xa taaƴ axe no roog ke den. Nu yaawkee xaaliis fee mbaat wurus fee refna took xa taaƴ axeene, too nu njangkiran, yaam ndik ta ɓek a nuun nu mbaɗooxaa roog tefee ndigil ke. O Yaal oxe Roog nuun kaa sib keene.

A sutax ale 32:31

Maaga, Moyiis a nomtooxa maa no Yaal oxe, a layin ee: «Waafu, xeet feeke a mbi’a bakaad fa maak! Kaa mbi’an a qoox den roog wurus.

A sutax ale 20:23

Ba nu nqawin roog xaaliis mbaat roog wurus kaa nu mbaɗooxaa paam es. Ba nu nqawin a den muk!

Mbeeñil 9:20

We yoq’ina no wiin we too nqonee no taamaala keene koy, mbes’ee a cinj xa taaƴ axe da mbi’’ina Roog den. Kaa ngen’u no mbaɗooxaa cini ke fo xa taaƴ wurus fo xa taaƴ xaaliis fa nqoolu fo xa taaƴ xanjar fo xa taaƴ ɓil fo xa taaƴ a teex axaa mbaageerna a ka, mbaagee fa nan, mbaagee a ñaaƈ.

Dañel 3:30

Cinj kaaga, o maad oxe a doxna a Sadrak fa Mesak fa Abed-Nego calel kaa moƴna o njeg o njiriiñ we ta eet’ina o doxin a den no jegel ole Babilon.

Esteer 1:1

Kene oxe xew’a na jamaane no maad Asuwerus fee maadooxoogna took xa cegel teemeed fo xa cegel qarɓeen ƭik fo xa cegel ɓetaa ƭaq, a xotit no saax laa End boo a damik no laa Kuus.

Dañel 3:14

o maad oxe a laamta a den ee: «Wo Sadrak fa Mesak fa Abed-Nego, ndax kaa nu ndiy mbañ o mbaɗoox roog ke mi soo naang faƥit ee nu ngungkee mbaambir nitaal wurus ne sipuuma?

Dañel 5:4

Den fop a yera biiñ soo a ndef no simataa roog ke mbi’teena wurus, xaaliis, xanjar, njelem, a teex fo a ƥil.

Hoose 2:8

Ten taxu xam wegit a ƭat um taxas kiƈ, widnin o ɗiiɗing, ndax suurkee na ƭat um.

Dañel 2:49

Dañel a xeɗa o maad oxe ta ɓoxot a Sadrak fa Mesak fa Abed-Nego da ngadoox a ñaaƈnooƭ ale no jegel ole Babilon. Ten o mat a yoqa no mbind ne no maad oxe.