Dañel 2:9 - NQAARIIT NE ROOG

⁹ Nu layangiraam ke ɗaaɗuuma, xan o loq o leng ole a xaw a nuun. Kaa nu nga’ir a ndeer nuun, ndax nu layaam xa maaƥ xa ƥor fo xa peƭeñeŋke, cungaa tige a suptoox. Ndiiki koy, kaam bug nu layaam o ƭaaɗ ole, too yaaga xam and ee nu mbaagaan o tekit.»

Dañel 2:9 Referans Kwoze

Dañel 7:25

Xan a lay paaxeer no xe Took-ee-took, a toroxand tedu we ten, a fexey o supit a pe ake fo kebil ke, too xan tedu we a ƥoxotel na xa ƥay um boo xa kiid xa tadaq fa genwal.

Dañel 2:21

Ten hame’u camaane ke fo baxtu ke, a maafaa maad we, a inaa a den. Oxuu jegna yiif, ten ci’ong o ten, oxuu jegna o and itam, no ten a hatu.

Esayi 41:23

Yegnityo ke na garaa, too yaaga xan i and ee roog nu ndefu. Mbi’yo rek paax mbaat paaxeer, ndax i mboor a kid, nga’andoorin.

Esteer 4:11

«Dag we no maad oxe fo qeet ke na xa cegel axe no maat ne fop a anda yee oxuu rokna no maax-kam olaa no mbind no maad ne, ta ref o koor mbaat o tew, too o maad oxe xoyiran, xan a warel, ne ta bindteena no bargal ke. Oxaa o maad oxe a jooxna o samb wurus ole ten soom waagu o muc. O nqool o muum onqey onqaa o maad oxe a xoyeeraxama.»

Dañel 5:28

U-FARSIN kaa tekit ee maat of xan a xaajel, a cooxel Meemedi we fo Peepersi we.»

Dañel 3:15

Ndiiki koy, xan nu nanahin a luuƥ fo a liit fo simb fo o nqilimb fo riiti fo a seeluumb fo kuu na fakteel a njibaa, too nu nanangaan, ndax xan nu njaɓ o ngung a lanq, mbaɗoox nitaal ne fi’nuuma? Nu mbañangaa, xan nu ndeɓel ndak fo ndak kam fuur faa na kaƥaa jir-jir, too yaaga roog fum na waagkaa o mucil a nuun na xa ƥay es?»

Heseki’el 13:6

Peeñil den xa koɓong oo soo maƭak den a ref xa maaƥ xa ƥor. Kaa da layaa yee: ‹Mi o Yaal oxe layun!› Yaaga fop toox de, mi o Yaal oxe luliim a den. Kaa da yaakaarnooraa yee fa lay den xan a fadnoox.

Esayi 44:25

Kaam ñufaa xa anddiloor axe no ɗeet maamaaɓ we, firiɓnooraa ñaañango we, nomtaa yaal-o-and we a cinj soo fudin o and den no ƭooɗofir.

2 Korint 2:17

Yaam in o mat, i ndefee nen wiin mayu we na njula’aa fa lay fee Roog. Kaa koy, kaa i ndef waa na laytaa a qool qac kaa farna na Kiristaa mbaambir Roog, yaam Roog o mat lulu a in, i ndef faɗ Kiristaa.

Heseki’el 13:19

Kaa nu niwaƭaraxam paam xeet es yaam tanq lorso fo xa ƭeg puuru yaa nu mbaraa xa laaw axaa mbareerna o nqon, soo ñoownooraa xa laaw axaa mbarna o nqon, yaa nu maaɓaa xeet es fee na nan-gilooxaa xa maaƥ.

Heseki’el 13:17

«Wo fee o ƥiy no kiin, wiƈaqilooxi farna fo mboƥ ndoog ne na xeet of na njo’taa katu na qeeñ den, too jo’tanaam a den

Xa peƭit axe 12:19

Fa lay fa ndigil kaa ñoowaa kili, ɗelem maamaaɓ le mat a xuuɗaƭar.

1 Maad we 22:22

A doonaan ee: ‹Xam ret, laynoor duleer we ten fop xa maaƥ.› O Yaal oxe a layaan ee: ‹Kaaga pexey mbaax oo ndax o naxin. Reti o fi naaga!› »

1 Maad we 22:6

O maad oxe Isra’el a dalfooxa o fokat duleer we ndeeƭna ngap teemeed nahik, soo a laamit a den ee: «Ndax waraam o xire’ik, ndax um jangatin a Ramot kam Galaad, ndi kaam warin o xaƴ rek?» Duleer waa a ndoonaan ee: «Reti, too xan o Yaal oxe a ɓoxotin na xa ƥay of.»

Dañel 2:8

Kaa koy, o maad oxe a laya a den ee: «Kaa nu miñandaa tige rek, yaam nu anda yee ke hebooxuuma watkee.

Dañel 2:16

Maaga, Dañel a reta maa no maad oxaa soo a xeɗin ta ci’in a pe a leng-leng, ndax ta waagin o tekit o ƭaaɗ ole.