Dañel 2:11 - NQAARIIT NE ROOG

¹¹ Ke o simtaa kaa ɗom boo o leng waagirang o lay o ten, a refangee roog ke soom, too sax ngenee fo wiin we.»

Dañel 2:11 Referans Kwoze

Dañel 5:11

Kam maat ne wo, a jega o koor oxaa mayna fo yiif le na Roog fa tedu fee. Na jamaane faap of i nga’a no ten ee oxaa na ga’aa qoolu a refu, a ƴiƴ soo a jeg yiif laa nandna fo le Roog. Keene tax’u o maad Nebukadnesaar fee faap of a dalin’un kelfa no maɗag we fo ɗeet we fo fan we fo saltiki ke.

2 Korint 6:16

Ndi nam ngenand ne Roog a waagu o yoonit fo pangool ke? Yaam in o mat ndefu ngenand Roog fa ñoow jok fee, ne Roog fa xoox um a laytuuna: «Xam gen fa den, i ñaaƴandoor. Mi na refkaa Roog den, da ndef xeet es.»

YEGIL MBAAX NE YEESU ne Saŋ a bindtuuna 14:23

Yeesu a doonaan ee: «Fexaxama, xan a gay fa lay es, too xan Faap es a fexin itam. Yaaga xan i ngar, ngen no ten.

YEGIL MBAAX NE YEESU ne Saŋ a bindtuuna 14:17

O Yaayaal oxeene refu Yiif le Roog saqna ndigil ne, ndaa o kiin adna waagiran o jaɓ, yaam ga’iran too andiran. Nuun o mat, nu andaan, yaam fa nuun a genu, too xan a ref na nuun.

YEGIL MBAAX NE YEESU ne Saŋ a bindtuuna 1:14

Fa Lay feene koy a xawooxa, a jegat cer no kiin, soo a gar a gen fa in, a may muut fa yirmande fo ndigil. In o mat, i nga’a o ndam um, refna o ndam onqe ta daawitna na Faap fee nen o Ƥeem o leng kut.

Mace 19:26

Yeesu a ɗeeta a den, too a lay a den ee: «Wiin we mbaagiran, ndaa Roog o mat, dara xoxiran.»

Esayi 57:15

Keeke oxe hupna fop, ngenand um a ref boo faw, too gon um a ref o Tedu xe, a layu: «Kaam gen took-ee-took fo no tedel, ndaa kaam gen itam fo we ngooyna too a njeg yiif neewandooxu, ndax um ñoowdand we neewandooxna soo ɗaaynoor we ngooyna.

A sutax ale 29:45

Xam gen a ndeer Ii-isra’el we soo ref Roog den.

Mberaand 41:39

Firawon fee a laya a Yoseef ee: «No kaa xotitna yaa Roog a andnooroonga keene fop, jegee o leng oxaa moƴoonga o ƴiƴ mbaat ta moƴong o jeg yiif.

Mbeeñil 21:3

Nanaam o ñuxur o maak ta inoor no gamb no maad le, a lay ee: «Ndiiki koy, ngenand ne Roog oxey a ndeer no wiin we! Xan Roog a gen a ndeer den, soo wiin we a ndef xeet um. Roog fa xoox um xan a ref fa den, a ref Roog den.

Esayi 8:18

Mi fo xa teɓandoong axe o Yaal oxe a cooxaxama, xan i ndef kam Isra’el xa anddiloor fo comlaand no Yaal oxe Hupna fop, genna took o joong ole Siyoŋ.

A kim a tedu ke 132:14

Kaa tee: «Maaga o ñootnooxand es a refkaa boo kili. Xam gen teen, yaam bugaanum.

A kim a tedu ke 68:18

Roog a jega a sareet-xire cuni-cuni. Kam o tedel um o Yaal oxe xey inoortiidaa no joong olaa Sinayi.

2 Caloori ke 6:18

Kaa koy, ndax no ndigil xan Roog a gen took lanq ke a ndeer no wiin we? O xeƈangee na asamaan fee took-ee-took, nam o xeƈitkaa no Mbind neeke maxanoonga?

1 Maad we 8:27

Kaa koy, ndax no ndigil xan Roog a gen took lanq ke? O xeƈangee na asamaan fee took-ee-took, nam o xeƈitkaa no Mbind neeke maxanoonga!

A lim ale 35:34

Fat nu mbootoox a paax boog, ndax nu nqoolaƭarandkee saax le nu ngenkaa, too mi fa xoox es um genkaa teen a ndeer nuun. Mi refu o Yaal oxe genna a ndeer nuun, nuun Ii-isra’el we.»

A sutax ale 8:19

Xam fi njektir ndeer xeet es fa xeet of. O anddiloor oleene o feet a jege.› »

Mberaand 41:8

No feet nqes olaa, a yiif ake Firawon fee a njaxasooxa, soo ta xoyin maɗag we fo yaal-o-and we Misira fop. A wetandooxa a den xa ƭaaɗ axe ten, ndaa o leng na den waag’iran o tekit xa ƭaaɗ axeene.

Esayi 47:12

Dami no pan of boog fo no ñango of keene jang’oona fo a koorgoorlax a maak no kaa xotitna no ndeƥandoong of. Xeƈa xan o xotit teen o ndimle mbaat o diidland muj fa mbaaxeer fee.

Dañel 4:4

Yaa maɗag we fo ɗeet we fo fan we fo saltiki ke a mbadiidna, wetandooxaam a den o ƭaaɗ ole, ndaa mbaag’iraam o lay ke ta tekitna.