Dañel 2:1 - NQAARIIT NE ROOG

¹ No hiid o ɗikandeer ole no maat um, Nebukadnesaar a ɗaaɗa, a jaaxiɗ teen boo ta yaqanin o ɗaan.

Dañel 2:1 Referans Kwoze

Dañel 4:5

Paktaand ke, Dañel fee ne’it’ateena a Beltasaar fee roog es too a may fo yiif le na Roog fa tedu fee a gara mbaambir es. Wetandooxaanum o ƭaaɗ ole mi ee:

Esteer 6:1

No yeng olaaga, ne o maad oxe a ɗaanar’aandeena dara, a simta o ɓisiidel safe le na laytaa caloori ke no maat ne, ndax ta janganeel o ten.

Dañel 2:3

a laya a den ee: «Kaam ɗaaɗ kaa jaaxlandaxama, too bugaam nu layaam o ten.»

Yeremi 25:1

Keeke refu fa lay fee o tuleer Yeremi a daawna ta jagin na xeet fee Yudaa fop, no hiid o nahkandeer ole no maat Yoyakim fee o ƥiy Yosiya, too a ref o maad Yudaa, a jopir fo o hiid o eetaand ole no maat Nebukadnesaar fee o maad oxe Babilon.

Dañel 6:18

Ɓil maak a berengiide, a geƈnel no begax ne me cogoy ke a mbegeena. O maad oxe a ñaasa teen o anddiloor xoox um fo xa anddiloor no wiin maak we ten, ndax dara no ke dooneena a Dañel waagkaand o supit.

Dañel 5:9

Baltasaar a diida, a moƴ o foor a kid, wiin maak we ten itam a njaq.

Dañel 7:1

No hiid o feraand olaa no maat Baltasaar fee o maad oxe Babilon, Dañel a ɗaaɗa soo a ga’a peeñil no yiif um, a soƥ ta wondoox no njong um. Cinj kaaga, a binda o ƭaaɗ ole,

Dañel 4:2

Bes, a jopir tige a yeng, wondooxaam no njong es too ɗaaɗaam kaa jaaxɗandaxama, feeñlel kaa wegna xoox es.

Dañel 7:15

«Mi Dañel, yiif es dal’ee yaam keene, ke feeñleema a diidlandaam lool.