Dañel 12:3 - NQAARIIT NE ROOG

³ We njegna o and xan a meleƈ nen meleƈ le na asamaan, we aqatinna wiin mayu o cofel xan a miric-miricin nen xa qoor axe na asamaan, bo na moos boo moos.

Dañel 12:3 Referans Kwoze

Mace 13:43

A koom kam Maat naa Roog Faap den, xan jofu we a meleƈit nen njeeƈ ne. Oxuu jegna nof, fat a nan-giloox!»

Xa peƭit axe 4:18

A ƭat ale no jofu we kaa nand nen a qoolaand mbeet, meleƈ um a ɓaatooxaa boo njoloor o mbuc.

Dañel 11:33

We njegna o and na xeet fee xan a aqatin wiin mayu. Kaa koy, no ngap o miñeer xan a jeg na den waa ñoot den a nquufkeel, wene a ndoxel boo riw, wene a ƥekel kaso, wene a njangalel.

Dañel 11:35

Leng-leng no we njegna o and xan a mbarel, soo fa nqon den a ref kaa na xoolandaa xeet fee, a ɓogdan soo a ran-ginan, boo muukandoong ne a helko fo garaa, yaam hap fee fadafulee.

Xa peƭit axe 11:30

O rim no cofu xe kaa ref ndaxar o ñoow, a ƭom-yedar ale mat a jangaa o ñis.

Hebre 5:12

Nu mbar’ata o miñ o ndef jaajangin yaaga. Kaa koy, boo fa ndiik nu soxla’a o njangnel ke eetna na fa lay fee Roog. Nu ngatlafulee ñaamel meɗu. Ten taxu nu soxla’a o numaa fo ɗeen.

YEGIL MBAAX NE YEESU ne Saŋ a bindtuuna 5:35

Saŋ reeƭu o jam ole na kaƥaa, a meleƈaa, too nu mbug’a o moof o ndik sax, mbelakinoox yoora kaƥ ne ten.

YEGIL MBAAX NE YEESU ne Saŋ a bindtuuna 4:36

Oxe na saxadlaanaa kaa rabdeel, too a naaga o fokatanaa o ñoow o fagkeer ole xa tim, ndax oxe na duufaa fo xe na saxadlaanaa a mbelakinooxandoor.

1 Korint 3:10

Mi o mat, kaa Roog a yirmaam, um doon fer le nen o taatabax tigi. Ndiiki koy, o lakas a gara, a max ke yoqna. Oxe na maxaa ke yoqna koy, a wara o wootoox, a haan no ne ta maxtaa.

Yeremi 23:22

A maad’angaa mbokatax es, a ndaawinkooga xeet es ke layuuma, a sut a den na ƭat a paaxeer ale den fo na pi a paaxeer ake den.»

Mbeeñil 1:20

Keeke tektu kunpa fee na xa qoor ɓetaa ƭaq axe ga’oona no ɓay es o ñamaak fo a pagal ɓetaa ƭaq xa lampa akaa mbi’teena wurus. Xa qoor ɓetaa ƭaq axe ndefu malaaka ke na yetooxaa pokatax ɓetuu ƭik ke, soo a pagal ɓetaa ƭaq xa lampa ake a ndef pokatax ɓetuu ƭik ke.»

2 Piyeer 3:15

Ƭeetaqinyo ne o Yaal in a muñtaa ndax nu muc. Keene refu ke o pog in Pool a bindna a nuun itam, na pexey o jeg-yiif ole Roog a cooxuuna.

Efees 4:11

O ten cooxu wiin we ci’it pogreer ke. Kaa ci leng we, da ndef apootar, wene, ta ci a den, da njo’tanan, waana waawaare Yegil mbaax ne mbaat gaynaak no gimu we mbaat jaajangin.

Mace 24:45

«O paɗ oxum gore’u too a ƴiƴ boog, ndax o yaal mbind um a xaƴin fo wiin mbind um, ta cooxaa a den ñaamel, yaa waxtu a fadna.

Mace 19:28

Yeesu a laya a den ee: «No ndigil, mexe layaa a nuun ee: Boo adna fee a sakatineena, soo o Ƥeenqe no kiin oxe a moof kam o ndam onqe no maat ne ten, nuun we ndeefanaxama, xan nu njeg a kamb xarɓaxay fo a kamb a ƭak, too xan nu ngate a carind xarɓaxay fo a carind a ƭak ake Isra’el.

A pi ake 13:1

A jeg’a no mbokatax ne no gimu we Ancook duleer Roog fo jaajangin. Den ndeeƭu Barnabaas fa Simewon fee lastitoogeena Ɓaal fa Lukiyus fee genna Kireen fa Sool fa Manahen. Manahen feene koy, deƥandoong’u fo o maad Herood.

Xa peƭit axe 3:35

We njegna yiif xan a niwel, ndaa panxoy ke o mat, gaci refu a las den.

Esayi 53:11

Xan a ga a qoolaand ale too xan a deyƭoox yaam coono ke ta gomna. O tag es o cofu xe xan a jofand wiin mayu, yaam ne da anduuna, a gadoox njofaƭar den.

Dañel 12:10

Xan wiin mayu a nqoolandel, a ndan-ginel soo a ƥogdel. Kaa koy, faaxaƭaru we xan a mbi’aa paaxeer too o leng na den andkee keene, ndaa we njegna a yiif xan a andin.

A sutax ale 34:35

weene a nga’ooga yee mukit fee Moyiis kaa meleƈoogu. A refangee yee Moyiis kaa ret maa Roog, ndax ta lay fo ten, kaa muurooxoogu.

Haahate we 5:31

O Yaal oxe, neene fañ of fop a nqontaa, soo we mbexoonga o mat a nand fo njeeƈ naa na wataa a qool qac. Maaga, saax le a reeƭata na jam boo xa kiid qarɓeen nahik.

O baawaare xe 12:9

O Baawaare xe reeƭee o cegu yiif soom, a day teen, ndaa a aqatina xeet fee o and. A ɗeetaqina, a horoox soo a leem xa peƭit xa mayu.