Dañel 11:2 - NQAARIIT NE ROOG

² Ndiiki koy, xam andnoorong ndigil ne.› » «Ga’angi, xan a jegahin maad daduk waa na maadooxkaa Persi, soo o nahkandeer oxe a gar, a fokatanoox halal kupu lakas we fop. A saƭkandangaa maat um yaam halal fee ten, xan a inooxan fa doole maat ne Yawan.

Dañel 11:2 Referans Kwoze

Mbeeñil 21:5

Maaga, oxe moof’ina no gamb no maad le a laya yee: «Ndiiki koy, xam fi’atin fop ta ref qas.» Cinj kaaga, a layaxam ee: «Bindi kene, yaam fa lay es ndigil kak oo, too a jare o hooloox.»

Dañel 8:26

Ke layee’oona no mbeeñil ne, ta jagin no sadax ke kirand fo nqes, ndigil kak oo. Kaa koy, tiimtafuleen, yaam bo ta fadnooxaa xan a miñ.›

YEGIL MBAAX NE YEESU ne Saŋ a bindtuuna 10:35

A layange kañ ee we fa lay fee Roog a doxneena roog a ndefu, e too a pind ake mbaagaand o sañit,

Amos 3:7

Kaam ee, o Yaal oxe na refkaa boo faw mosee fosoox tig, too feeñliran duleer we dag um.

Dañel 11:25

Xan a hooloox doole um, a saqatin njambaar, a adooxan a yaj a maak no xiixire, a gomrik fo o maad oxe no ɓemb-roog o ñamaak. O maad oxe no ɓemb-roog o ñamaak oo xan a fapooxan xire, a fokat a yaj a maak a cegu doole no xiixire, ndaa taxkee ta xox, yaam xan a sakanel pexey.

Dañel 8:4

Ga’aam suk mbaal le ta gomaa farna fo mudand fo farna fo ɓemb-roog o janoon fo farna fo ɓemb-roog o ñamaak. Jeg’ee muumeen faa waag’uuna o xox, too o leng waag’ee muc no ten. Kaa fi’oogu kaa feluuna soo a moƴ o maakaa.

Dañel 7:5

Ɓaanoor fa ƭikandeer fee mat ursu a nandtoogu. O saax o leng a geenoor’u, xa laf xa tadaq a ndef no don um ndeer a ñiiñ ake, too a laye yee: ‹Inooxi ñaam a tegeƴ a mayu!›

Xa peƭit axe 22:21

Kaa andnoorang ke woorna fo fa lay fa ndigil, ndax o waag o doon oxe luloonga fo fa lay fa mbooru.

Dañel 10:1

No hiid o dadkandeer olaa no maat Kiirus fee o maad Persi, Dañel fee xoyoogeena itam Beltasaar a daawne mbeeñil. Ke ta daawneena ndigil kak oo, ndaa a xija lool soo a sogkan o dam, a and mbeeñil ne.

Dañel 8:21

Suk fambe le koy, refu o maad oxe Yawan, soo a njan ale ndeer a kid ake a ref o maad o eetaand oxe ten.

Esdaraas 4:7

Na jamaane Artaserkesees fee o maad Persi, Bislam, Mitredat, Tabel fo gend den a mbindaan. O leetar ole koy a pindooƭ a araam a bindit’e fo no ɗelem araam.

Esdaraas 4:24

Maaga, calel ke no maqatin ne no Mbind Roog ne a mbaas’e kam Yeerusaleem, too a ngeenoox’a boo no hiid o ɗikandeer ole no maat Daryus fee o maad Persi.

Esteer 1:1

Kene oxe xew’a na jamaane no maad Asuwerus fee maadooxoogna took xa cegel teemeed fo xa cegel qarɓeen ƭik fo xa cegel ɓetaa ƭaq, a xotit no saax laa End boo a damik no laa Kuus.