Dañel 10:8 - NQAARIIT NE ROOG

⁸ Mi soom yoq’u maaga, ɗeetaa mbeeñil maak neene, ñakat doole, foor a kid, nandakaanat too jegatiim o njembe.

Dañel 10:8 Referans Kwoze

Dañel 7:28

Meeke ke xewna a muukooru. Mi Dañel o mat, yiif es kaa jaq’u no keene boo um foorat a kid, ndaa geek’aanum taa kam es.»

Habakuk 3:16

Nanaam yo’in leene, soo kam es a jaxasoox, muuceek es a ndaprapnaa, cer es a ŋeesoox, um sendaa ne fodeema fop. Yaqanee koy, um cungaa ñaal ne na naqad fee, ñaal neene na betkaa xeet fee na toroxandaa a in.

Dañel 8:27

Mi Dañel, jeg’aam ñaal leng-leng kaa neewuuma doole soo jir. Cinj kaaga, inooxaam soo jalanahinaa o maad oxe. Jaaxiɗ’aam lool no mbeeñil neene, too and’iim ke ta tekitna.»

Mbeeñil 1:17

Ye ga’anuuma, yenaam na caf um nen kaam xon. A doona o ɓay o ñamaak um took es, too a lay ee: «Ba o diid! Mi refu o eetaand oxe fo o palakaand oxe

Mark 9:6

And’ee ke ta warna o lay, yaam daalbe we kaa ndiid’u lool.

Mace 17:6

Yaa daalbe waa a nanna o ñuxur olaaga, a yena ƭaasin, too diid maak a dama a den.

2 Korint 12:7

Neene koy, yaam com’andtu ke no peeñil keene, sooxaneem kam cer es a bej, ndax jimbooxkiim kam a magnandax. A bej aleene kaa fadtiidaa nen oxaa Saytaane a lulna, ndax ta xijlaam boo magnandooxkiim.

Dañel 8:7

Ga’aanum ta matkaa suk mbaal le, a songin fa doole, a gomin boo a ɓol xa can xa ƭaq axe ten. Suk mbaal le koy, jeg’ee doole faa ta xoxtuuna. Suk fambe le a maafaan soo a dakin, too jeg’ee o leng oxaa jaɓna suk mbaal le.

Mberaand 32:31

Yakoob a ne’a o mbiñ onqaaga Penu’el yaam ee ga’aam a Roog jaxrañ soo maad o ñoowaa.

YEGIL MBAAX NE YEESU ne Saŋ a bindtuuna 16:32

Waxtu fee oxuu refna na nuun a retankaa a xoox um, oxe garaa, too a fadiida sax. Xan nu nqaƴaam, ndaa yoqkiim koƭong, yaam Faap fee, oxe fa mi.

A sutax ale 3:3

Moyiis a laya taa no yiif um ee: «Um ɗapang boo ga ke mbeeñil maak nene a refna fo ke taxna ngol ne waagee o sooy.»

Dañel 10:16

Maaga, mbindeef lakas naa nandtoogna o kiin a gara, a duq muuceek es, too yaƥatatinaam soo lay oxe geenoox’ina mbaambir es ee: ‹O yaal es, mbeeñil ne kaa ɓis o laaw es, too jegatiim o njembe.

Dañel 10:17

Nam mi fee o tag of refeerna tus waagum o layit fa wo fee o yaal es? Jegatiim o njembe, haaƭ a xoxaxam.›