Dañel 10:6 - NQAARIIT NE ROOG

⁶ Cer um kaa teleloogu nen ɓil jafeñu laa ne’eena kirisolit, mukit um a meleƈaa nen o hiiñaand, a kid um a miric-miricnaa nen ƈulfaan fiɗel, xa ƥay um fo a caf um a telelaa nen xanjar faa ɓodaxneena, soo o ñuxur um a fangoortaa nen combol no faan maak.

Dañel 10:6 Referans Kwoze

Mbeeñil 19:12

A kid um kaa miric-miricnoogu nen aal fiɗel, soo ta rokoox fo ndip fo mayu. A saq’a koy gon binde laa o leng a andeerna a refangee ten.

Mace 17:2

Yeesu a suptooxa mbaambir den. A tagid um a meleƈa boo nen njeeƈ ne, soo toki um a ndanig boo taw.

Heseki’el 10:9

Ɗeetaam, too a jeg’a a saang a nahak paam pindel yeeyetax ke, a saang a leng paam mbindel yeeyetax nuu refna, too a saang akeene kaa miric-miricnoogu nen ɓil jafeñu laa ne’eena kirisolit.

Heseki’el 1:24

Nanoogaam fangax le na nafir ake den yaa da ƥeroogna, ta nandtaa fangax poofi cegu doole mbaat le no ñuxur no Cegu katil oxe. Fangax combol a reeƭu nen fangax a yaj no xiixire. Boo da ngeenoox’ina, a mbudnooga a nafir ake den.

Heseki’el 1:16

O nand ole fo a caqooƭ ale na saang ake kaa miric-miricnoogu nen ɓil jafeñu laa ne’eena kirisolit, too den nahuk fop nand’u. Kaa saxit’u nen aluu refna kaa reeƭu kam a saang a lakas.

Heseki’el 1:14

Pindel ke kaa ƈufoogu, a ndetaa, a ngaraa nen ƭuuɗ.

Mbeeñil 21:20

ɓil nahkandeer le a hoƥ, a ne’el emerood, ɓil ɓetkandeer le a yaxig, a ne’el sardonik, ɓil ɓetuu fa lengandeer le a yaxig coy, a ne’el sarduwaan, ɓil ɓetuu ɗikandeer le a yaay, a ne’el kirisolit, a nand fa wurus, ɓil ɓetuu dadkandeer le a hoƥit nen foofi o maag, a ne’el beril, ɓil ɓetuu nahkandeer le a yaay, a ne’el topaas, ɓil xarɓaxayandeer le a yaac o ranig, a ne’el kirisoperas, ɓil xarɓaxay fo lengandeer le a yaay, a ne’el hiyasent, ɓil xarɓaxay fo ɗikandeer le a yaxgit nen piɗ sufarnaak, a ne’el ametist.

Mbeeñil 10:1

Ga’aam malaaka fa njegu doole fa lakas a fudoortiidaa na asamaan, a huloox eel, soo a ñang-ee-ñang a yooroox xoox um. Mukit um kaa meleƈoogu nen njeeƈ, a caf um a miric-miricnaa nen aal fiɗel.

YEGIL MBAAX NE YEESU ne Lik a bindtuuna 9:29

Yaa ta maadna o xeɗaa, a tagid um a suptooxa, too toki ke ten a ndan-ga boo taw.

Heseki’el 1:7

A caf den kaa njof’u pec, soo takir ke na caf ake den a nandtaa takir a caf o xeel, da meleƈaa meleƈ xanjar fa ƥodaxne.

A sutax ale 28:20

a cur a nahkandeer ale a jeg a ƥil a cafeñu kaa ne’eena kirisolit fa onik fa yaspe. Ɓil jafeñu luu refna na ƥil a cafeñu keene fat a wadel no njel.

Mace 28:3

Nen o hiiñaand a nand’u, toki ke ten a ndanig boo fur.

Mbeeñil 2:18

«Bindanaam a malaaka fee na yetooxaa mbokatax ne no gimu we kam teeru faa Tiyatiir ee: ‹Fa lay feeke kaa inoor no Ƥeenqe Roog, a kid um a miric-miricnaa nen ƈulfaan fiɗel, a caf um a telelaa nen xanjar faa naayneena na fiɗel boo a xawnel.

A kim ale na kim ake 5:14

Xa ƥay axe ten kaa mooloox nen o loq wurus o mosandte kirisolit, cer um a ndef nen ñiiñ fa ñiig laa ɓodaxneena, a soorel safiir.

Heseki’el 40:3

A ɓisaxam maaga too ga’aam o kiin oxaa o mem um a nandtoogna o mem xanjar. Kaa pokoox’u no ɓay um o ƥaak o liiƥir fo o siind o liiƥir soo a geenoox paam o don-maax ole.

Heseki’el 8:2

Ɗeetaam, too ga’aam kaa na nandtaa o kiin, ke xotitna no ke nandtoogna ndet um boo a lanq a ref fiɗel, soo ke xotitna no ndet um a jof took a jeg’a nen meleƈ xanjar laa na miric-miricnaa.