Dañel 10:2 - NQAARIIT NE ROOG

² «Na jamaane faaga, mi Dañel, reeƭaam na yogorlax boo pes tadik takooxiidu.

Dañel 10:2 Referans Kwoze

Nehemi 1:4

Ye nanuuma fa lay feene, moofaam, loolaa soo naqadiloox boo ñaal mayu. Kaam hooroogu, xeɗaa mbaambir Roog fee na asamaan

Mbeeñil 11:5

Oxuu bugna o fañ a den, a fi a den paaxeer, xan fiɗel a sutoor no don den, a saŋkin. Oxuu bugna fi a den paaxeer sax oo, neene mat a waritkeel.

Saak 4:9

Naqadilooxyo yaam pakaad nuun. Ñaawooxyo too lool. Ba nu njalat ndaa loolyo. Ba nu mbelakinooxat ndaa naqadilooxyo.

O leetar ole Pool a bindna GIMU WE NGENNA ROM 9:2

Kene refu o gooy o maak ole fa naqad fee jeguuma kili kam xeeñ es.

Mace 9:15

Yeesu a doona a den ee: «Ndax we na ngulookaa a mbaaga ñak o sawar yaa o kor-no-kulook oxe a refna fa den? Ñaal ke o kor-no-kulook oxe a refkateerna fa den owe ngaraa, too yaaga xan a ngoor.

Yeremi 9:1

Ndi an na ci’kaxam na koƥ-a-ƥor alaa o daland no ñaañaaƴ? Yaaga xaƴkoogaam xeet es soo goƭ a den, mi o Yaal oxe, yaam den fop seeseeq a ndefu, a yaj no hoohod.

Esayi 66:10

Nuun we mbexna a Yeerusaleem, mbelakinooxyo fo ten, may fo o ɗaay yaam o ten. Nuun fop we ñaawooxoogna yaam taamaala fee dal’uuna, nqaajiryo fo ten ndiiki o ɗaay ole hitatirna.

A kim a tedu ke 43:2

Wo refu Roog o saasaytax es. Xar taxu o xaƴaam? Xar taxu naqad a lifaa o cok es kili, o waas fañ we mi da ñagadilaxam?

A kim a tedu ke 42:9

O Yaal oxe kaa lalaxam o mbeq um no ñaal ne, soo um gen no xaanan no yeng ole, xeɗaa a Roog fee saqna o ñis es.

Dañel 10:12

A doona teen ee: ‹Dañel, koo ba o diid, yaam fa lay of a nane no ke xotitna no ñaal mberaand ne neewandooxoona mbaambir Roog ndax o jeem o and, too fa lay of feene sax sax taxu um gar.