Dañel 10:1 - NQAARIIT NE ROOG

¹ No hiid o dadkandeer olaa no maat Kiirus fee o maad Persi, Dañel fee xoyoogeena itam Beltasaar a daawne mbeeñil. Ke ta daawneena ndigil kak oo, ndaa a xija lool soo a sogkan o dam, a and mbeeñil ne.

Dañel 10:1 Referans Kwoze

Dañel 8:26

Ke layee’oona no mbeeñil ne, ta jagin no sadax ke kirand fo nqes, ndigil kak oo. Kaa koy, tiimtafuleen, yaam bo ta fadnooxaa xan a miñ.›

Dañel 6:28

Ten na muclaa, a wataa, a fi’aa xa anddiloor fo comlaand na asamaan fo na adna, ten fee mucilna a Dañel no cogoy ke.»

Dañel 1:21

Dañel a maad’a jalaa kam mbind no maad ne boo neen Kiirus fee o maad Persi a jaɓu a Babilon.

Dañel 1:7

Oxe kelfa’’ina cawdiin ke a ne’a a den a kon a kaakalde. A ferana a Dañel Beltasaar, Hananiya ta feranin Sadrak, Misa’el ta feranin Mesak, soo Asariya ta feranin Abed-Nego.

Dañel 1:17

Roog a ci’a xa pes xa nahaq axeene a kortax fo o and o maak no kaa farna na pind ake fo o jeg-yiif. Dañel a doon’a teen a waag o tekit mbeeñil nuu refna fo o ɗaaɗ oluu refna.

Mbeeñil 19:9

Malaaka fee a layaxam ee: «Bindi yee: We nqureena na put ngulook ale no Mbaal onqe a ƭaaya!» Cinj kaaga, a ɓaata teen ee: «Fa lay feeke ndigil kak oo, Roog layun.»

Dañel 12:9

A doonaxam ee: ‹Wo Dañel, reti na jam, yaam fa lay feene xan a ɗasnel, a ref kunpa boo na jamaane faa no muukandoong naa.

Dañel 12:4

Wo Dañel, ɗasni yegnit neene, too wegit safe lene o ñaasir boo yaa jamaane fee no muukandoong ne a fadiidna. A koom, xan wiin mayu a njangin, too xan o and den a ɓaatoox.»

Dañel 10:14

Ndiiki koy, kaam andnooriidong ke na dalkaa xeet of no ñaal palakaand ke, yaam mbeeñil nene itam kaa jagin no ñaal keene.›

Dañel 5:17

Maaga, Dañel a doona o maad oxe yee: «Daali maad, waagaa geek neexil of fo ci’it of mbaat o ci a den o lakas. Yaqanee koy, xam janganong bind le soo tektanong o ten.

Dañel 2:21

Ten hame’u camaane ke fo baxtu ke, a maafaa maad we, a inaa a den. Oxuu jegna yiif, ten ci’ong o ten, oxuu jegna o and itam, no ten a hatu.

Esayi 44:28

Kaam layaa a Kiirus ee: ‹Wo refu oxe na gayanaxam.› Xan a fadin ke buguuma fop. Xan a lay a Yeerusaleem ee: ‹Xan o maxatinel›, soo Mbind Roog ne ta layin ee: ‹Xan o tabaxatinel.› »

Esdaraas 6:14

Maak we no Yaawuur we a suura no maq ne fo ngoora, yaam a saƭakinoor a ƭelem ake o tuleer Age fo o tuleer Sakari fee o ndaan Ido a ndaawin’ina a den. A ƈutanda maq ne ne Roog fee Isra’el a heblit’uuna fo ne Kiirus, Daryus fa Artaserkesees, maad we Persi, a ngeblit’uuna.

Esdaraas 6:3

«No hiid o feraand ole no maat um, o maad Kiirus a heblita no kaa farna no Mbind Roog ne Yeerusaleem: ‹Fat Mbind Roog ne a maxatinel, ndax ta ref o mbiñ onqaa na ɓoxotteel sadax, too fat a per ake ten a yoɗatinel. Geel um xan a fi xa noonoong qarɓeen ɓetuu fa leng, o yaajel um a fi xa noonoong qarɓeen ɓetuu fa leng.

Esdaraas 4:5

soo a ndabid aa-as we no maad oxe, ndax da mbinq calel ke den. Neene a refit’u no ñoow o ñis Kiirus fee o maad Persi boo no maat Daryus fee o maad Persi.

Esdaraas 4:3

Kaa koy, Serubabel, Yesuwa fo yaal ƥasil lakas ke no Ii-isra’el we a ndoona a den ee: «I mbaagee o mbokatoor fa nuun, ndax i maxan a Roog in Mbind, yaam in doŋ na maxankan o Yaal oxe Roog fee Isra’el, ne Kiirus fee o maad Persi a heblituuna a in.»

2 Caloori ke 36:22

No hiid o eetaand ole no maat Kiirus fee o maad Persi, o Yaal oxe a fosooxa fadand ke ta yegnit’ina, a reefandin no tuleer Yeremi. A ci’a a Kiirus yiif, ta simit o lambnanel, a bindel itam, ndax maat um fop a yeg kene:

Mberaand 41:32

O nanangaa Firawon fee a ɗaaɗin boo a caf a ƭak, tige kaa ref kaa Roog a geenooxna no fi’in, too xan a fadnin ndiiki.

YEGIL MBAAX NE YEESU ne Lik a bindtuuna 1:20

Ndiiki koy, xan o muum, too waagkatiro fa lay boo na bes faa keene a fadiidkaa, yaam gimiro fa lay es fee na fadnooxkaa na waxtu um.»

Dañel 11:2

Ndiiki koy, xam andnoorong ndigil ne.› » «Ga’angi, xan a jegahin maad daduk waa na maadooxkaa Persi, soo o nahkandeer oxe a gar, a fokatanoox halal kupu lakas we fop. A saƭkandangaa maat um yaam halal fee ten, xan a inooxan fa doole maat ne Yawan.

Dañel 8:16

Cinj kaaga, nanaam o ñuxur no kiin yoora a ƈufnand ale Ulay, ta falalooxaa yee: ‹Gaburi’el, tekti oxeene mbeeñil ne!›

Dañel 5:12

A saqa yiif jegee sen, a jeg a kortax, a ƴiƴ, a waag o tekit xa ƭaaɗ, a and a nax-o-gut soo a xoolnaa ke wegna xoox. Yaaga boog, fat o koor oxeene ne’eena Dañel, too o maad oxe a ne’’atun Beltasaar a ɓisiidel, too xan a lay ke bind leene a tekitna.»

Dañel 4:8

Ndaxar neene koy, kaa moƴoogu moƴ o maakaa too a magnaa rek, boo o jul ole a duqataa a asamaan fee. Muu fodoona na adna fee, o ga’an.

Esdaraas 3:7

Ii-isra’el we a cooxa seesex we na ƥil ake fo daadaaƴ we xaaliis soo Siisidoŋ we fo Tiitiir we, da coox a den ñoowir, a yer fo diwliin, ndax da ƥistiid Libaŋ a teex ndaxar seedar, a ndeef no maag ole, boo Yope, ne Kiirus fee o maad Persi a ci’it’uuna a den.