Dañel 1:6 - NQAARIIT NE ROOG

⁶ A ndeer no we njil’eena a jeg’a xa pes xa nahaq axaa mbog’ina na carind ale Yudaa, da ndef: Dañel fa Hananiya fa Misa’el fa Asariya.

Dañel 1:6 Referans Kwoze

Heseki’el 14:14

A jeg’angaa sax kam saax leene goor daduk wene: Nowe, Dañel fa Yob, o cofel den, o ñis den soom a mucilkoogu. Mi o Yaal oxe na refkaa boo faw layun.

Mace 24:15

«Xan nu nga ‹Cakalaaru ke sibdeena›, o tuleer Dañel a ne’oogna, ta fod no mbiñ o tedu nqe. Oxuu na jangaa a ƭelem akene, fat a wootoox a paax!

Dañel 2:17

Yaa Dañel a xaadna, a laya a Hananiya fa Misa’el fa Asariya we yoon um ke tige a reeƭna,

Heseki’el 14:20

ne ta wooritna yee mexe ñoowaa, mi o Yaal oxe na refkaa boo faw layun, Nowe, Dañel fa Yob a ndeeƭangaa a ndeer saax le mucilkoogee xa ƥiy xa koor mbaat xa tew axe den, o cofel den, o ñis den soom a mucilkoogu.»

Mark 13:14

«Xan nu nga oxe na xoyeel ‹Cakalaaru ke sibdeena› ta fod me ta war’eerna o fod. Oxuu na jangaa a ƭelem akene fat a wootoox a paax! A koom, waa na ndefkaa no jegel olaa Yudee a mbara o ƈufan xa coong axaa.

Heseki’el 28:3

Ga’angi, wo hupu a Dañel o and, jegee kunpa fa leng faa andeeroona.

Dañel 1:19

O maad oxe a laya fa den, den fop, ndaa jeg’ee na den oxaa ƴiƴit’ina nen a Dañel fa Hananiya fa Misa’el fa Asariya. Ten taxu o maad oxe a xota a den, da njalanan.

Dañel 2:25

Aryok a ñofa ɓis a Dañel maa no maad oxaa soo a layin ee: «Daali maad, a ndeer no we ɓistiidoona Yudaa, ga’aam teen o koor oxaa waagoonga o tektan o ƭaaɗ ole wo.»

Dañel 5:13

Maaga, Dañel a ɓisiide mbaambir no maad oxe. O maad oxe a laamtaan ee: «Ndax wo refu Dañel fee fogna no we faap es fee reeƭna o maad a ɓistiidna Yudaa took o hup doole?

Dañel 6:14

A kafahina fa lay faa soo a lay o maad oxe yee: «Dañel koy fee fogna no we ƥistiideena Yudaa took o hup doole, a ƭat um yongee na wo, wo daali maad, fo no ke xañtoona too dalnin. Kaa xeɗaa a Roog um a caf a tadak ñaal nuu refna.»