Dañel 1:5 - NQAARIIT NE ROOG

⁵ O maad oxe a heblita da cooxeel no ñaamel leng kut ke ta ñaamaa fo a yer a leng kut ale ta yeraa, a njangneel boo xa kiid xa tadaq, soo a sogkan o njalan.

Dañel 1:5 Referans Kwoze

Dañel 1:19

O maad oxe a laya fa den, den fop, ndaa jeg’ee na den oxaa ƴiƴit’ina nen a Dañel fa Hananiya fa Misa’el fa Asariya. Ten taxu o maad oxe a xota a den, da njalanan.

Dañel 1:8

Dañel o mat kaa fosoox’u tigi yee roɗganditkee a xoox um ñaamel ke fa biiñ fee no maad oxe. A xeɗooxa boog oxe kelfa’’ina cawdiin ke, ndax serkaand o roɗgandit a xoox um ñaamel keene.

1 Maad we 10:8

Wiin of fo dag of a ƭaaya, den we ngenna fa wo kili, a nan-gilooxaa o and ole wo.

YEGIL MBAAX NE YEESU ne Lik a bindtuuna 21:36

Yetooxyo boog, too nqeɗaa waxtu fuu refna, ndax a koom nu njeg doole faa nu ndaɗitna keene na xewkaa fop, ngeenoox mbaambir no Ƥeenqe no kiin oxe.»

YEGIL MBAAX NE YEESU ne Lik a bindtuuna 11:3

Ci’i a in ñoowir in no mbeet oo mbeet!

Mace 6:11

Ci’i a in xaye ñoowir in no mbeet oo mbeet.

Yeremi 15:19

Maaga o Yaal oxe a doonaxam ee: «O nomtooxiidangaa me mi, xam xotatinong no calel es. O jektirandangaa ke jegna o njiriiñ fo xa ƥaral, yaaga xan o ref o coojo’it es. Wiin we Yudaa xan a nomtooxiid me wo, ndaa refee yee wo na nomtooxkaa me den.

2 Caloori ke 9:7

Wiin of fo dag of a ƭaaya, den we ngenna fa wo kili, a nan-gilooxaa o and ole wo.

2 Maad we 25:30

Mbeet oo mbeet, Yoyakin a daawtooga no maad oxe Babilon ñoowir um no ñoow o ñis um fop.

1 Sami’el 16:22

Sawul a lulta, ndax ta layanel a Isay ee: «Kaam xeɗang o xaƴaam fa Dawid ta jalanaxam, yaam a felaxam lool.»

Mberaand 41:46

Yoseef koy, xa kiid qarɓeen tadik a jeg’u ye ta retaa maa Firawon fee o maad Misira. A inoora me Firawon soo a wid saax le Misira fop.

YEGIL MBAAX NE YEESU ne Lik a bindtuuna 1:19

Malaaka fee a doonaan ee: «Mi yoo Gaburi’el, na geenooxaa mbaambir Roog. Kaam luliidel me wo, ndax um layong yegil mbaax neene.

Xa peƭit axe 23:3

Ba o yaaw xa tox xa pelu xe ten, yaam a mbaaga ndef mbog na wo.