Dañel 1:20 - NQAARIIT NE ROOG

²⁰ A mbanuu o maad oxe a laamit’ina a den no kuu ta waagna waag o ref, too ta laamit o and fo o jeg-yiif, ke da ndoonoogna a gartooga took boo a caf xarɓaxay xa toonanqol axe no maɗag we fo ɗeet we no maat um fop.

Dañel 1:20 Referans Kwoze

A sutax ale 8:19

Xam fi njektir ndeer xeet es fa xeet of. O anddiloor oleene o feet a jege.› »

Esayi 19:3

Njambaar ne no Miimisira we xan a ɓut na den, too xam jaxasrand yuuƥ ke den. Maaga, xan da laamtaa pangool ke den xa as soo a nga’raa fo fan we fo ɗeet we fo we na ƈufginooxaa xon we.

Ke bindeena no xe ne’eena YOB 19:3

Nu ŋañaxam a caf xarɓaxay, too nu sedee moof mbaxnaxam xa ñuxur?

Nehemi 4:12

Oxuu refna no maamax we kaa liiƈoox’u laƥ um, a jalaa. O luuluuƥ oxe kaa dendoogu fa mi.

A lim ale 14:22

neene a woortu yee o leng no we sibaxama rokkee no saax leene. Ke da nga’na a qoolaand ale no ndam es fop oo fo xa anddiloor axe fi’uuma Misira fo na koƥ-a-ƥor alaa, yaqanee da maad o mbogaxam, a mbañ o nan-giloox o ñuxur es. Weene fop nga’kee muk saax le daaɓooxuuma fo daan den ee xam cooxin a den, yaam kaa yapatilaam.

A sutax ale 8:7

Xan a paaɓ ake a ndiƈatooxong, a ndiƈatoox pind of, a ndiƈatoox dag of soo a sutoox saax of. Ake no xuluɓ ole rek na yoqkataa.»

A sutax ale 7:22

Yaal-o-and we Misira a mbi’a leng kut ke Aaroon a fi’na. Firawon fee a ŋaja too nan-gilooxee a Moyiis fa Aaroon, ne o Yaal oxe a layit’uuna.

Mberaand 41:8

No feet nqes olaa, a yiif ake Firawon fee a njaxasooxa, soo ta xoyin maɗag we fo yaal-o-and we Misira fop. A wetandooxa a den xa ƭaaɗ axe ten, ndaa o leng na den waag’iran o tekit xa ƭaaɗ axeene.

Mberaand 31:7

Kaa rek, faap nuun kaa ŋastaxam yaam a supta ndabid es boo a caf xarɓaxay, ndaa koy Roog ci’iran ta fi’aam paaxeer.

Dañel 5:17

Maaga, Dañel a doona o maad oxe yee: «Daali maad, waagaa geek neexil of fo ci’it of mbaat o ci a den o lakas. Yaqanee koy, xam janganong bind le soo tektanong o ten.

Dañel 2:21

Ten hame’u camaane ke fo baxtu ke, a maafaa maad we, a inaa a den. Oxuu jegna yiif, ten ci’ong o ten, oxuu jegna o and itam, no ten a hatu.

Dañel 2:13

Ye kebil neene a yegniteena, ndax yaal-o-and we a mbarel, Dañel fo yoon um itam a nqotke, ndax da mbarel.

A kim a tedu ke 119:99

Mi hupu jaajangin es fop o and, yaam fa lay of um ɓaalaa.

Heseki’el 28:3

Ga’angi, wo hupu a Dañel o and, jegee kunpa fa leng faa andeeroona.

Dañel 1:17

Roog a ci’a xa pes xa nahaq axeene a kortax fo o and o maak no kaa farna na pind ake fo o jeg-yiif. Dañel a doon’a teen a waag o tekit mbeeñil nuu refna fo o ɗaaɗ oluu refna.