Dañel 1:2 - NQAARIIT NE ROOG

² O Yaal oxe a ɓoxota a Yoyakim fee o maad Yudaa na xa ƥay um, soo a xaƴin ta jang na xa ƥaxañ axe no Mbind Roog ne. Nebukadnesaar a ɓisa a Yoyakim fo wiin um Sine’aar took o hup doole, soo xa ƥaxañ axe, ta ɓek a den kam mbind ne no roog ke ten, a diƈ a den na kamba le.

Dañel 1:2 Referans Kwoze

2 Caloori ke 36:7

A ɓisa kam Babilon ƥaxañ leng-leng ke no Mbind ne no Yaal oxe soo a ɓek a den kam mbind no maad ne ten.

Sakari 5:11

A doonaxam ee: «Kaa maxankan mbind no saax laa Sine’aar. A ƴutangaa, xan a diƈel maaga no tiƈoor um.»

Haahate we 4:2

O Yaal oxe a ɓoxota a den na xa ƥay Yabin fee o maad Kanaan maadooxoogna Hasoor. O aa-adax oxe no xiixire we ten reeƭu Siisera fee genoogna Haroset-Hagoyim.

Haahate we 3:8

Fuux le no Yaal oxe a biltooxana Ii-isra’el we, soo ta ɓoxot a den na xa ƥay Kusan-Risatayim fee o maad Mesopotami, da ndagooxan boo xa kiid ɓetaa tadaq.

Haahate we 2:14

Fuux le no Yaal oxe a biltooxana Ii-isra’el we. A ɓoxota a den na xa ƥay no yaayaq we da nduguñ a den, a xaƴ a den na xa ƥay no fañ we mbidna a den, too mbaag’atee o nqox fañ den.

A cangatin ale 32:30

Nam goor juni a mbaagu ƈuftaa o pañ o leng, soo cuni xarɓaxay a ƈufaa fañ ɗik, yaaga o and ee Roog fee refna ɓil den kaa jikoox a den, o Yaal oxe a ɓoxot a den.

Mberaand 11:2

Ye da inoorna no batand, a mbadiida na yulanq kam saax laa Sine’aar, soo a ngen maaga.

Mberaand 10:10

A maadooxa eetu kam Babel, a doon teen a maadoox kam Erek fa Akad fa Kalne no saax laa Sine’aar.

Habakuk 1:16

Kaa ƥoxotaa paal ke den sadax, a ndoxanaa panguuñ ke den cuuraay, yaam na pexey den mbaƥ den a rooftu, soo ñaamel den a naang gañ.

Dañel 5:18

Daali maad, Roog fee Took-ee-took a fi’a na faap of Nebukadnesaar o maad o maak oxaa mayna o ndam fo o magnel.

Yeremi 51:44

O Yaal oxe kaa tee: «Xam xaw a Bel, roog fee no Kaakalde we, huqnin ke ta ɗuudna, too qeet ke njaginkatee me ten. Saŋe ne Babilon sax xan a yen junjang.

Esayi 11:11

A koom, xan o Yaal oxe a letnahin o ɓay um, ndax ta wat yoqatin we na xeet um na muckaa Asuur fa Misira fa Patros fa Kuus fa Elam fa Sine’aar fa Hamat fo na pimb ake no maag ole.

Esdaraas 1:7

O maad Kiirus fa xoox um a dakna xa ƥaxañ axe no Mbind ne no Yaal oxe Nebukadnesaar a xotit’ina Yeerusaleem soo a ɓek a den no faɗoorand ole roog um.

1 Sami’el 5:2

A njanga arka ne Roog, a ƥekin no juurand ole Dagon da mbi’’ina roog den, a ndendandin fo o daaƴ ole ten.

Esayi 42:24

An ɓoxotu a Isra’el we nguytooguuna, kaam ee an ɓoxotu a Yakoob we ngefooguuna? Andum refee o Yaal oxe i tooñna. O leng na den bug’ee o reef a ƭat ale Roog um a xalanuuna, too nan-gilooxee a cangin um.

2 Maad we 24:1

Na jamaane Yoyakim, Nebukadnesaar fee o maad oxe Babilon a inooxana saax le Yudaa, soo Yoyakim a ɓoxotoox no ten. Kaa koy, cinj xa kiid xa tadaq, Yoyakim a siiknoora fo ten.

Yeremi 25:1

Keeke refu fa lay fee o tuleer Yeremi a daawna ta jagin na xeet fee Yudaa fop, no hiid o nahkandeer ole no maat Yoyakim fee o ƥiy Yosiya, too a ref o maad Yudaa, a jopir fo o hiid o eetaand ole no maat Nebukadnesaar fee o maad oxe Babilon.

Yeremi 27:16

Layaam saasadax we fo we ndeeƭna maaga fop xa ƭelem axene: «Keeke o Yaal oxe a layu: Ba nu nan-giloox fa lay fee no duleer we nuun na yegnaa a nuun ee: ‹Ƥaxañ ke no Mbind ne no Yaal oxe wey a nomtitiideel Babilon no ñofu!› Xa maaƥ xa ƥor a yegnaa a nuun.

Yeremi 28:3

Boo xa kiid xa ƭaq a ngelko fo mbadaa xam nomtiid no mbiñ onqene tig oo tig ke no Mbind ne no Yaal oxe fop, Nebukadnesaar fee o maad oxe Babilon a xotit’ina meen, a ɓis a den Babilon.

Yeremi 35:11

Kaa koy, ye Nebukadnesaar fee o maad oxe Babilon a songna saax le, i mbosooxa o ndet Yeerusaleem, ndax i ƈuf xiixire we no Kaakalde we fo we no Aa-araam we. Ten taxu, i ngenat Yeerusaleem.»

Yeremi 50:2

«Yegnityo a ndeer qeet ke, lambin, sip a laay a anddiloor, kaam ee lambinyo, mbañ o ƭasin dara, lay ee: Babilon a jaɓe, Bel a naag ɓot a sed, Merodak a diidlandel! Nitaal roog ke Babilon a seda ɓot, pangool ke ten a ndiidlandel.

Dañel 5:13

Maaga, Dañel a ɓisiide mbaambir no maad oxe. O maad oxe a laamtaan ee: «Ndax wo refu Dañel fee fogna no we faap es fee reeƭna o maad a ɓistiidna Yudaa took o hup doole?

2 Caloori ke 36:5

Yoyakim a jeg’a xa kiid qarɓeen ƭik fo xa kiid xa ƥetaq, ye ta sogna refaa o maad. A maadooxa xa kiid xarɓaxay fo o hiid o leng kam Yeerusaleem. A fi’a kaa faaxeerna na kid no Yaal oxe Roog um.