A jega oxaa na xalaataa yee: «Waagaam o ñaam ñaamel kuu ndefna.» Oxe o ngim um a neewna koy, a xalaataa yee: «Saɗiim o ñaam a tegeƴ, tuufe-duufe soom um ñaamaa.»
A cinj coono keene fo a cinj ye ta ñaatlanditna a nuun nqeex, a ci’a a nuun maan fee, ta ref ñaamel kaa nu and’eerna, daan nuun and’iran. Neene, a lala a nuun ee o kiin ñoowitkee ngaaf soom, ndaa fo fa lay fuu sutoorna no don no Yaal oxe.
Ba o diid no ke o ñagadilkeel. Nan-gilooxi: Xan o ƈiƴ oxe a ɗeetloox a nuun. Xan a ɓek leng-leng na nuun kam kaso, too xan nu toroxandel boo ñaal xarɓaxay. Fat o gore boog boo na fa nqon, too xam cooxong o ñoow ole, ta ref o ndip of.
Cinj kaaga, fat o dendand a in fo mbes ke na ñaamaa no ke o maad oxe a ñaamaa boo ga ndax xan a jeg njektir, soo o sogkaa o fi na in, in we dag of, ke jofooxoonga.»