Dañel 1:1 - NQAARIIT NE ROOG

¹ No hiid o dadkandeer olaa no maat Yoyakim fee o maad Yudaa, Nebukadnesaar fee o maad Babilon a garana a Yeerusaleem, a widin o kurul-keƥ.

Dañel 1:1 Referans Kwoze

2 Maad we 24:13

Nebukadnesaar a janga halal fee no Mbind ne no Yaal oxe fa fee no mbind no maad ne. A gefa xa ƥaxañ wurus axe o maad Salomo a fi’in’ina kam Mbind ne no Yaal oxe. Neene, ke o Yaal oxe a lay’ina a fadnooxa.

Esayi 39:7

Xan leng-leng na xa taan of ŋaƈit sax a ƥisel, a njalanaa o maad oxe Babilon kam mbind no maad ne ten.› »

Yeremi 25:1

Keeke refu fa lay fee o tuleer Yeremi a daawna ta jagin na xeet fee Yudaa fop, no hiid o nahkandeer ole no maat Yoyakim fee o ƥiy Yosiya, too a ref o maad Yudaa, a jopir fo o hiid o eetaand ole no maat Nebukadnesaar fee o maad oxe Babilon.

Yeremi 35:1

Na jamaane Yoyakim fee o ƥiy Yosiya, too a ref o maad Yudaa, o Yaal oxe a daawna a Yeremi fa lay um na xa ƭelem axene:

Yeremi 35:11

Kaa koy, ye Nebukadnesaar fee o maad oxe Babilon a songna saax le, i mbosooxa o ndet Yeerusaleem, ndax i ƈuf xiixire we no Kaakalde we fo we no Aa-araam we. Ten taxu, i ngenat Yeerusaleem.»

Yeremi 36:1

No hiid o nahkandeer ole no maat Yoyakim fee o ƥiy Yosiya, too a ref o maad Yudaa, o Yaal oxe a daawna a Yeremi fa lay fene:

Yeremi 45:1

Keeke refu fa lay fee o tuleer Yeremi a daawnoogna a Baruk fee o ƥiy Neriya, ta bindan no laxas safe, no hiid o nahkandeer olaa no maat Yoyakim fee o ƥiy Yosiya, too a ref o maad Yudaa:

Yeremi 50:1

Fa lay fee o Yaal oxe a layna na Babilon, no saax le no Kaakalde we, a reefandin no tuleer Yeremi:

Yeremi 52:12

No hiid xarɓaxay fo hiid o ɓetuu nahkandeer ole no maat Nebukadnesaar fee o maad oxe Babilon, no ñaal xarɓaxayandeer ne no nqool o ƥetkandeer onqe, Nebusaradan fee adooxan’ina yeeyetax we no maad oxe Babilon, a gara Yeerusaleem.

Yeremi 52:28

Neeke we Nebukadnesaar a ɓis’ina gilaa saax took o hup doole na xeet fee a mbod’u: No hiid o ɓetuu ɗikandeer ole no maat um, Yuuyudaa cuni tadik fo qarɓeen ƭik fo daduk.

Dañel 5:13

Maaga, Dañel a ɓisiide mbaambir no maad oxe. O maad oxe a laamtaan ee: «Ndax wo refu Dañel fee fogna no we faap es fee reeƭna o maad a ɓistiidna Yudaa took o hup doole?

2 Maad we 23:36

Yoyakim a jeg’a xa kiid qarɓeen ƭik fo xa kiid xa ƥetaq, ye ta sogna refaa o maad. A maadooxa xa kiid xarɓaxay fo o hiid o leng kam Yeerusaleem. Ya um Sebida a ne’’e, a ref o ƥiy Pedaya fee gen’ina Ruma.