Amos 9:9 - NQAARIIT NE ROOG

⁹ Xam hebil mbind Isra’el a pasarel ndeer qeet ke, ne kaaf a mbiɗteel, too o ngac o leng yuurkee.

Amos 9:9 Referans Kwoze

YEGIL MBAAX NE YEESU ne Lik a bindtuuna 22:31

O Yaal oxe a laya a Piyeer ee: «Simoŋ, Simoŋ, Saytaane kaa waaƭaa maa ta maafitna a nuun ndax ta fees a nuun nen bele.

A cangatin ale 28:64

soo o Yaal oxe a pasar a nuun a ndeer qeet ke fop, xotitna no cat adna boo no cat lakas. Xan nu ndagooxaa maaga roog lakas kaa nu andeerna, daan nuun and’iran, roog kaa ndefna a teex fo a ƥil.

Esayi 30:28

Haaƭ um kaa nandtaa a qayaandiin alaa balna boo a gar o kiin no cok. Kaa taaraariidaa a saax ake fo taaraar taamaala ne, soo a rok qeet ke a laxaaɓ, ndax ta mo’and a den.

A paɗax ale 26:33

Xam picit a nuun a ndeer qeet lakas ke, ɗiir a nuun fo laƥ. Xan saax le nuun a gefel boo teeru ke nuun a mbes a pec.

Yeremi 31:36

«A leem akeene a ñuf’angaa mbaambir es, xa taan axe Isra’el itam ndefkoogatee xeet mbaambir es boo kili.» O Yaal oxe layun.

Yeremi 46:28

Wo Yakoob fee o tag es, ba o saɗar, yaam mexey fa wo. Xam moocand qeet ke pasar’oonga fop, ndaa wo o mat, moocandkiroong. Xam xawtong o cofel, waagiroong o ɗeet nen a jaambuur. Mi o Yaal oxe layun.»

Yeremi 49:36

Xam ɓisiid took Elam qeñ nahik, da ngatiid no cat nahik ke na asamaan. Xam feesit a den qeñ keene fop. Jegkee xeet fa leng faa ga’keerna we ƈufitna Elam a ndokiidaa me ten.

Heseki’el 5:10

Ten taxu xan paap ke a ñaamaa xa ƥiy den a ndeer of, soo xa ƥiy axe a ñaamaa paap den. Xam dalin hate es took of soo pasar no nqeñ ne we na yoqkaa na wo.

Heseki’el 5:12

A qaaj a tadkandeer ale na nuun xan a nqon na piste, mbaat biim a saŋik a nuun a ndeer teeru fee. A qaaj a tadkandeer ale na nuun xan a nqon na xire fee me widna teeru fee, soo a qaaj a tadkandeer ale na nuun um pasar a den, soo daabit a den laƥ ne.

Heseki’el 20:38

Xam suud na nuun we siiknoorna fa mi soo a tooñaam. Xam sut a den no saax le da ngenna, ndaa ndokkee no saax le Isra’el. Maaga, xan nu and ee mi refu o Yaal oxe.

Heseki’el 36:19

Pasaraam a den a ndeer qeet ke, too a picte na saax a pogreer. Hate’aam a den na pesoorooƭ den fo na pi den.

Esayi 27:12

A koom, xan o Yaal oxe a bac xa yaƥ axe, no kaa xotitna no xuluɓ ole Ofrat boo na ƈufnand alaa Misira, soo nuun Ii-isra’el we, nu ngiseel o leng o leng.

Esayi 28:28

Mbooƭ a ƥees a sugteel, ndaa a jega hap, a soxteel a tom, ndaa refee boo yaa ta raƈtooxna.

Heseki’el 39:28

Neene, xan da and ee mi refu o Yaal oxe Roog den, ɓis’ina a den gilaa saax took o hup doole me no qeet lakas ke soo fokat a den no fiisel den. Xaƴkiim maaga o leng na den.