Amos 9:8 - NQAARIIT NE ROOG

⁸ Mi o Yaal oxe na refkaa boo faw fuuliim, a kid es kaa ndoonoox took saax leene na fi’aa cageer, ten taxu xam moocandin na adna, ndaa koy moocandkiim tak mbind Yakoob. Mi o Yaal oxe layun.

Amos 9:8 Referans Kwoze

Yeremi 30:11

Yaam mexey fa wo, ndax um muclong. Mi o Yaal oxe layun. Xam moocand qeet ke pasar’oonga fop, ndaa wo o mat, moocandkiroong. Kaa koy, xam xawtong o cofel, waagiroong o ɗeet nen a jaambuur.»

Amos 9:4

A ngooknooxangaa mbaambir no fañ den, a njaɓ o ndefik faɗ ndax mbarkaand, xam hebil fañ we da lakan a den laƥ ke. Boo a kid es a ndoonooxna took den, paax taxiran, ƭomu soom taxun.»

Yeremi 44:27

Nga’angyo, xam fexeyan a nuun, ndax um doon a nuun taamaala ee baneex. Yuuyudaa we fop ndefna no saax le Misira, xan laƥ fo biim a saŋik a den boo da mooc.

Yeremi 5:10

Ŋaayyo saŋe ke ten, yaq a ƭing taxar biiñ ale mi, ndaa ba nu ngefin tuƈ. Mbaridyo xa par axe ten, jegeeruuma, mi o Yaal oxe.

Hoose 1:6

Gomeer a rokahina o fud soo a ñoot o ƥiy o ndew. Maaga, o Yaal oxe a laya a Hoose yee: «Ne’een ‹Loo-Ruhama›, yaam yirimkatiim mbind Isra’el, tee kaam waasanahinan.»

Xa peƭit axe 15:3

A kid no Yaal oxe kaa nga’aa muu refna, ta horooxaa faax we fo soxodu we.

Xa peƭit axe 5:21

O Yaal oxe kaa ga’aa kuu o kiin a fi’aa, a horooxaa a pesoorooƭ um fop.

1 Maad we 13:34

A pesoorooƭ aleene kaa reeƭu no ƥasil ne Yerobowam o wooƥ o bakaadir, too keene sax taxu da saŋkel soo a moocandel no lanq ke.

A cangatin ale 6:15

Nu mbi’angaan, xan fuux le no Yaal oxe a biltooxan a nuun soo ta moocand a nuun took lanq ke, yaam o Yaal oxe Roog nuun Roog fa naalu a refu a ndeer nuun.

A cangatin ale 4:31

O Yaal oxe Roog nuun koy kaa may yirmande too xaƴkee a nuun, moocandkee a nuun, weecitkee ngiɓoor ne ta dalnitna a taaƥ fo daan nuun.»

Mberaand 7:4

Ndeer mene fo ñaal ɓetuu ƭik xam deɓiid took lanq ke boo ñaal qarɓeen nahik fo xa yeng den. Neene, xam moocand ke sakuuma fop took lanq ke.»

Mberaand 6:7

O Yaal oxe a laya yee: «Xam moocand took lanq ke o kiin oxe sakuuma, ke xotitna no wiin we boo no cegel ke fo ƥood ke fo tiiƭ ke na asamaan, yaam ricooxaam tigi ke taxna um fi a den!»

Yeremi 46:28

Wo Yakoob fee o tag es, ba o saɗar, yaam mexey fa wo. Xam moocand qeet ke pasar’oonga fop, ndaa wo o mat, moocandkiroong. Xam xawtong o cofel, waagiroong o ɗeet nen a jaambuur. Mi o Yaal oxe layun.»

Amos 3:12

Keeke o Yaal oxe a layu: «Ne o kaynaak a suqtitaa yoqatin mbaal um no don njogoy, ta ref a caf ake mbaat nof, neene mat a muc no Ii-isra’el we ngenna Samari a nandkaa, den weene na mbondooxaa no xeeñ njong, a mudaa no cong moku.»

Amos 7:17

Keeke o Yaal oxe a layu: ‹Xan o teef a jaga’ik kam teeru fee, xa ƥeef a mbartel laƥ, o qol of a ɗegrel, wo fa xoox of o xontik a koƥ, Ii-isra’el we a ndefik faɗ no saax jan.› »

Amos 9:10

Baabakaad we na xeet es fop, xan laƥ a fand a den, boo no we na layaa yee: ‹O njakad garkee too dalkee o leng na in.› »

Hoose 1:4

O Yaal oxe a laya a Hoose yee: «Ne’een ‹Yisre’el›, yaam a yoqa o ndik rek, xam inooxan mbind Yehu, xuuf maat ne kam Isra’el yaam fo’oy le ta ɓaxna kam Yisre’el.