Amos 9:6 - NQAARIIT NE ROOG

⁶ Kaa sip ngenand um na asamaan, a fi kuul ne ta yooroox lanq ke, soo ta xoy poofi ke no maag ole, a picit a den took lanq ke. Ten o mat ne’e o Yaal oxe.

Amos 9:6 Referans Kwoze

Amos 5:8

An saku xa Kulook axe fo Ndaalaand ne? Kaam ee, an saku xa qoor axeene? An na suttaa mbeet no niɓaan, ñaal ta dugandtin o yeng, a fokat poofi ke no maag ole, soo a picit a den took lanq ke? Mee ndax ten ne’e o Yaal oxe!

Amos 4:13

yaam oxe sakna xa coong axe fo nqeñ ne too a feeñlaa o kiin a qalaat um, kaam ee, oxe na suptaa mbeet ne, a fi’in o niɓaan, too a ñaaƴaa took xa coong axe, gon um refu o Yaal oxe Roog fee Hupna fop.»

A kim a tedu ke 104:3

sip ngenand of took poofi ke took-ee-took. A eel ake ndefu a sareet of, o ñaaƴaa took a nafir ake no nqeñ ne.

A kim a tedu ke 104:13

Took-ee-took asamaan fodo, deɓaa took xa coong axe, lanq ke a ndeyƭoox na xa tim axe no jale of.

Yeremi 5:22

Ndax kaa nu saɗarkiraam? Mi o Yaal oxe layun. Ndax nu sendkee mbaambir es? Mi fiisanu o maag ole me ta warna o day, o hakand olaa ta jolkeerna boo muk! A yag-ee-yag ake ten kaa njiqtooxaa, ndaa mbaagiran o ƈaktoox, a ndititaa, ndaa mbaagiran o njol.

Mberaand 2:1

Neene asamaan fo lanq fo ke refna teen fop a njegtu.