O Yaal oxe a laya yee: «Mexey luliidaa faafaal fagkatar, too xan a mbaal we pasarooxna. Cinj kaaga, xam luliid xaaxaƴlax fagkatar, too xan a nqawloox a den took xa coong axe fop, took a ñaang ake fop fo na semb ake na ƥil ake.
A koom, xan o Yaal oxe a xot laƥ maak mbeelu njegu doole ne ten, a xaw a Lewiyatan, mbangool ne na ƴufaa too a xuyaa, a war a Niŋki-naŋka feene kam o maag ole.
Keeke refu ke Amos a layna: «O Yaal oxe xey a bumbtiidaa Siyoŋ, o ñuxur um a fangoortaa Yeerusaleem: A biinj ake fop a leeƥa, o jul ole Karmel a weer boo ŋayam.»
Yaa yilmaan fee a yenaa, a nana o ñuxur ole no Yaal oxe Roog fee widoogna kam a ƭing ale. O koor oxe fo o tew oxe a ndalfooxa o ƭas kam taxar ke na ƭing ale ndax o Yaal oxe Roog ga’kee a den.