Amos 9:2 - NQAARIIT NE ROOG

² A njaɓnookangaa jaaniif sax, xam suqtit a den maaga, da ŋaay na asamaan, um fudniid a den.

Amos 9:2 Referans Kwoze

Yeremi 51:53

Babilon a yoɗoox’angaa boo na asamaan sax, a sip’angaa saŋe um took-ee-took boo waagaand o daaw, hebliidkoogaam yaayaq waa ndaawuuna.» O Yaal oxe layun.

Abjaas 1:4

O yaaroogangaa took-ee-took nen a canjiik soo raang ndeer xa qoor axe sax, xam ɗangtitiidong maaga. Mi o Yaal oxe layun.

YEGIL MBAAX NE YEESU ne Lik a bindtuuna 10:18

Yeesu a laya a den ee: «Ga’aam a Saytaane ta yentiidaa na asamaan nen o hiiñ.

Yeremi 49:16

Diid le o oraa fo a magnandax ale wo kaa mo’andang, wo fee genna kam luf ke na ƥil ake, fod no jul ole na ñaang ake. O sip’angaa ndaang of took-ee-took sax nen a canjiik, xam maaftiidong maaga. Mi o Yaal oxe layun.

Esayi 2:19

Ndokyo kam luf ke na xa coong axe fo kam qanq ke no lanq ke, ndax nu ƈuf katil saɗarnooxu ne no Yaal oxe, laqoox o magnel ole no ndam onqe ten, yaa ta inooxkaa, ndax ta yo’in adna fee.

Ke bindeena no xe ne’eena YOB 26:6

Jaaniif kaa naag fuc ee ƭuc mbaambir Roog, too o sayoom sax singiran gamb le na saŋkax ale.

Ke bindeena no xe ne’eena YOB 20:6

A yoɗooxangaa boo na asamaan sax oo, xoox um a cuqaa a eel ake,

Ke bindeena no xe ne’eena YOB 34:22

Jegee o niɓaan, a sisaaƥ ne’aand, maa we na mbi’aa njofaƭar a mbaagna o ƭas.

Heseki’el 26:20

xam fudnandoorong fo we na mbudooxaa kam gamb le na saŋkax ale, farna fa xeet fee yaaga. Xam gennoorong no qooƭ ke no lanq ke, o nand fo kefatin ke na refkaa boo faw, yoon fo we na mbudooxaa kam gamb le na saŋkax ale, ndax genkataandee. Maaga, xam geekan saax le no ñoow we o ndam onqe.

Heseki’el 31:14

Kaa refit neene ndax ndaxar leng naa sooreena a paax, a deyƭoox foofi waagkatee o lawlawin boo a garit kol niɓu ke took soo a xaaƴooraa geel jiig um, yaam taxar ke nen wiin we a njagandane fa nqon, a serel a moocik ɗuga lanq ke, a soƥik maaga we mbondooxna teen.»

Ke bindeena no xe ne’eena YOB 22:13

Kaa o layaa yee: «Xar Roog a andu? Ndax a waaga o hate, too a eel a niɓu a ndeerin?

Ke bindeena no xe ne’eena YOB 24:23

Kaa ɗingaa a den, da njeg a koolax, a ref no gayaa a den na ƭat den.