Amos 9:12 - NQAARIIT NE ROOG

¹² ndax ta pokook we yoqna na Edoom fo na saax ake gon es a ƴufginooroogeena. Mi o Yaal oxe layun, too xam fadnin.

Amos 9:12 Referans Kwoze

Esayi 43:7

Nomtiidyo we na nqoyooxaa gon es, fop we sakuuma, mool a den, fi a den, ndax da lalit o ndam es.»

A pi ake 15:17

ndax ke yoqna no wiin we a mbaaƭaam, mi o Yaal oxe, qeet ke fop xoyuuma ndax um jeg a den.

Esayi 65:1

«Jaɓataam waa ƈufginooroogee-raxama a mbaaƭaxam, soo waa mbaaƭoogeeraxama a nga’aam. Layaam waa nqoyoogaandeena xeet es ee: Mexey, mexeya!

Yeremi 14:9

Xar taxu o ref nen o koor o caqu, nen a salma-koor alaa waageerna o mucil? Yaag oo toox de, woxey a ndeer in, wo o Yaal oxe, too kaa i kesanel a wo. Ba o xaƴ a in boog.

Yeremi 15:16

Fa lay of oxaa fadiid’aa me mi, kaam xamboogun. Kaa reeƭu na mi baneex fo o ɗaay xeeñ es, yaam kaam kesanel a wo, wo o Yaal oxe Roog fee Hupna fop.

Esayi 63:19

Ndiiki kaa i nand nen waa moseeroona o maadooxan, nen waa moseeroona o jeg no gon of. Koo qaaci asamaan fee soo fudooxiid, ndax xa coong axe a ngirdoox mbaambir of,

Esayi 11:14

Xan a mbokatoor, a yaadin Fiifilista we farna fo mudand, a njaɓ kalal ke no we ngenna no batand, a ndoon o ɓay na Edoom fa Mowaab soo a ngame Aa-amon we.

A kim a tedu ke 60:8

Roog a laya kam Mbind tedu ne ten ee: «Xam jeg o ɗaay, yaa um lasrandaa a nuun teeru fee Sikeem, a yulanq ale Sukot, um xaajin xa ƭeg xa ƭeg.

Mberaand 27:37

Isaak a doona a Esawu yee: «Ga’angi, dalnaanum o yaal of boo ƴut, xeɗanin fog um a ndefik dag um, xeɗanin bele fa biiñ fa mayu. Xar waagatoong o xeɗan boog?»

Mberaand 27:29

Yaasam qeet a ƥoxotoox na wo, a saax ake a ngungaa mbaambir of! Yaasam o ref o yaal no fog of, we fogtoona yaay a ngungaa mbaambir of. Yaasam oxuu salooxoonga a salooxel, soo oxuu xeɗanoonga barke a barke’el!»

Malaki 1:4

Boo Ee-edoom we a layna yee: «Kaa i nduguñel, ndaa xan i inatin ke yenna fop», o Yaal oxe Hupna fop xan a doon teen ee: «Fat da max, um jiƭtin, too xan saax den a xoyeel ‹saax le no kañaan ne›, soo den fa qoox den o mat, da nqoyeel ‹xeet fee o Yaal oxe a fuuxanna boo kili›.»

A pi ake 15:18

Keene mat o Yaal oxe a layu, too ten andnoorun no mberaand naa.› »