Amos 9:11 - NQAARIIT NE ROOG

¹¹ «A koom koy, xam difi o ɗaakaand ole Dawid, yoɗin, ke gefna teen, um xendandin, boo ta dakoox naa ta reeƭna,

Amos 9:11 Referans Kwoze

Esayi 16:5

Kam mbind Dawid xan uum-maamaad le a saƭkandtel yirmande, too xan o kaahate xaa a ƭat rek a haalna, soo o cofel soom a felin, a moof teen fo ngor.»

A kim a tedu ke 80:12

Dugatin um a xaya boo no maag olaa Mediterane, saqit um a ret boo no xuluɓ olaa Ofrat.

Esayi 63:11

Maaga, xeet um a mbetandooxa ñaal ke yaaga fa Moyiis. Taa oxe suttuuna na foofi, ndax ta ref o kaynaak oxe no siir um? Ndi taa oxe ci’uuna Yiif Tedu le ten?

Hoose 3:5

Cinj kaaga, Ii-isra’el we xan a ngeleeroox, a mbaaƭ o Yaal oxe Roog den fo o ndaan onqe Dawid fee o maad den. Xan a sendaa, yaa da matiidaa o Yaal oxe fo o paaxel um no camaane ke na ngaraa.

Heseki’el 36:11

Xam mayƭand took nuun wiin fo cegel. Xan a ƥaatoox a ndimatir. Xam fi nu ngenatinel nen yaaga, soo moƴ o fi’an a nuun paax ee yaa fa yaaga. Maaga, xan nu and ee mi refu o Yaal oxe.

Heseki’el 17:24

Maaga, taxar ke na xa qol axe fop xan a and ee mi o Yaal oxe, kaam neewandaa ndaxar yimbil ne soo magnand ndaxar neewu ne, weernaa ndaxar ne xuƥna sap soo xuƥandatin ndaxar mbeeru ne. Mi o Yaal oxe layun too xam fi’in.»

A ƭomatax ake 5:21

Wo o Yaal oxe, nomtiidi a in me wo, too xan i nomtooxiid! Ci’ahini a in a pe nen ake yaaga!

Yeremi 46:26

Xam ɓoxot a den na xa ƥay no we mbugna njang o ñis den, na xa ƥay Nebukadnesaar fee o maad oxe Babilon fo na xa ƥay na yaj um. Cinj kaaga, Misira xan a genatinel nen yaaga. Mi o Yaal oxe layun.»

Esayi 5:5

Ndiiki koy, xam lay a nuun deŋ ne um fi’kaa a ƭing ale mi: Xam bayit o ɗiiɗing ole, ndax ta fiitnel, maaf ɓit le, ndax ta duutel.

Ke bindeena no xe ne’eena YOB 1:10

Mee ndax wo na saytooxan o saax oo saax, ten fo wiin mbind um fo o jeg um fop. Kaa o barke’an no kuu ta rokna, too xa siir um axe gañ kam saax le.

Mise 7:14

O Yaal oxe, gayti xeet of o loq o gayir ole wo, o siir ole jegoodoona, kesooxna kam lanq maasu ke ndeer a ƭing ake! Fat da suuf kam Basan fo kam Galaad, nen camaane kaa yaaga!

Mise 5:2

Ten taxu xan o Yaal oxe a xaƴ xeet um boo no camaane kaa o tew oxe na fudkan a ñootkaa rek. Maaga, we na yoqkaa no fog um we pasaroox’ina xan a nomtooxiid me no Ii-isra’el lakas we.

Yeremi 30:9

Xan Ii-isra’el we a ndagoox o Yaal oxe Roog den fa Dawid fee um dalnatinankaa a den nen o maad.»

A kim a tedu ke 143:5

Kaam wetandooxaa a pe ake yaaga, ɓaalaa taa kam es a pi ake wo fop, yiifaa ke xa ƥay of a njalna.

A kim a tedu ke 89:40

Ɗegaa ngiɓoor ne dalin’oona fo o tag of, maasand o ndip no maad um, deɓin a lanq.

A lim ale 24:18

Xan saax le Edoom a jaɓel. Kaam ee xan fañ we a njaɓ a Seyiir, too xan Isra’el a fi a pi katil.

Esayi 58:12

Maaga, xan o yoɗatin ke gef’eena yaaga soo maxatin took a per ake mbaas’eena yaaga. Xan o xoyeel o qeexendand kefatin ke no saŋe ke, o ñooñoowdand fo ƭat ne fo xe na fi’aa boo saax le a geneel.»

Esayi 65:9

Xam sutit na Yakoob o ndaan, kaam ee xam sutit na carind ale Yudaa oxe na lamkaa o joong o tedu le mi. We um jilkaa xan a njegin, dag es a ngenik teen.

Yeremi 18:9

Leek-leek itam kaam fosooxanaa xeet mbaat maat ee xam maxin, sinjin.

Abjaas 1:17

Kaa koy, xan a jeg waa ndaɗna took o joong ole Siyoŋ na tedkataa. Xa taan axe Yakoob xan a njangatin lanq ke den njaɓ’eena.

Mise 7:8

Nuun fañ in, ba nu mbelakinoox na in! I yenangaa sax oo, xan i inooxatin. I ndefangaa kam o niɓaan ole, xan o Yaal oxe a meleƈin a qoolaand um took in.

Mise 7:11

Ñaal ney a garaa naa saŋe ke na teeru fee nuun a maxatinkeel. A koom, xan xa ŋat axe nuun a ƭaayel.

Sakari 6:12

Fat o layin ee: ‹Keeke o Yaal oxe Hupna fop a layu: O koor oxe ne’eena Dugatin oxey. Fop xan a jolit ɗuga a caf um, soo ta max Mbind es, mi o Yaal oxe.

Sakari 12:7

We ngenna Yudaa o Yaal oxe a eetkaa o mucil, ndax xa taan axe Dawid fo we ngenna Yeerusaleem mboogkee yee den ngupu lakas we ngenna Yudaa.

Sakari 14:10

Ke widna a Yeerusaleem fop xan a refat o mbelaac, a xotit Geba no ɓemb-roog o janoon boo Rimon no ɓemb-roog o ñamaak. Kaa koy, Yeerusaleem xan a yoɗel, a ref me ta mosna mos o refaa, a xotit no Ndokand ne Bensame boo no Ndokand ngiid naa, a damik Ndokand ne no kooñ ne, a dalit no Taax-took ne Hananel boo na xa nirir axe no maad oxe.