Amos 8:9 - NQAARIIT NE ROOG

⁹ A koom, xam fi njeeƈ ne a mud yaa ta fodna ndeer xoox, o niɓaan a joot took lanq ke njoloor o mbuc. Mi o Yaal oxe na refkaa boo faw layun.

Amos 8:9 Referans Kwoze

Mark 15:33

Na waxtu njeeƈ ndeer xoox, a jeg’a o niɓaan took lanq ke fop, boo na waxtu a kirandax.

Mace 27:45

No kaa xotitna na waxtu njeeƈ ndeer xoox boo na waxtu a kirandax, a jeg’a o niɓaan took lanq ke fop.

YEGIL MBAAX NE YEESU ne Lik a bindtuuna 23:44

No kaa xotitna na waxtu njeeƈ ndeer xoox boo na waxtu a kirandax, a jeg’a o niɓaan took lanq ke fop.

Yeremi 15:9

Yaay fee rim’ina xa ƥiy xa koor ɓetaa ƭaq a ŋeesooxa, a ososaa. Njeeƈ um a muda njoloor. A seda ɓot soo a seeƈaar. We yoqna na xeet fee koy, xam ɓoxot a den da saŋkitel laƥ na kid no fañ den.» O Yaal oxe layun.

Mace 24:29

«Ndak fo ndak, a cinj coono fa maak faaga, xan njeeƈ ne a nuk, a qoor ale a niifaar, soo xa qoor axe a yenit na asamaan, too xan katil ke ndefna na asamaan a yo’noox.

Mise 3:6

‹Ten taxu, nuun duleer we, xan nu ndef no yeng, too nu mbeeñooxkataand! Xan nu ndef no niɓaan, too nu ƭeetkatee!› Xan njeeƈ ne no duleer weene a mud, ñaal den a ref o niɓaan.»

Amos 5:8

An saku xa Kulook axe fo Ndaalaand ne? Kaam ee, an saku xa qoor axeene? An na suttaa mbeet no niɓaan, ñaal ta dugandtin o yeng, a fokat poofi ke no maag ole, soo a picit a den took lanq ke? Mee ndax ten ne’e o Yaal oxe!

Esayi 13:10

Xa qoor axe na asamaan fo xa kulook axe ten meleƈinkatee a qoolaand den. Njeeƈ ne oxaa wataa, a ɓalig ɗok, a qoor ale a niifaar.

Ke bindeena no xe ne’eena YOB 5:14

Kaa da nqettaa o niɓaan njoloor o mbuc, a naƥnaa njeeƈ ndeer xoox nen kam o yeng ole.

Amos 4:13

yaam oxe sakna xa coong axe fo nqeñ ne too a feeñlaa o kiin a qalaat um, kaam ee, oxe na suptaa mbeet ne, a fi’in o niɓaan, too a ñaaƴaa took xa coong axe, gon um refu o Yaal oxe Roog fee Hupna fop.»

Mbeeñil 8:12

Cinj kaaga, malaaka fa nahkandeer fee a luuƥa. Naaga, a qaaj a tadkandeer ale na qoor ale fo ale na xa qoor axe a nqawe, boo oxuu refna na den, a qaaj a tadkandeer ale na qoolaand um a mo. Jeg’atee a qoolaand na qaaj a tadkandeer ale no ñaal ne fo ale no yeng ole.

Mbeeñil 6:12

Cinj kaaga, ga’aam o Mbaal onqe a ñaƥtaa o ñaas ɓetuu fo lengandeer ole. Maaga, a jeg’a yo’nax lanq maak, njeeƈ ne a ɓalig ɗok nen ndoki ñaawoor, a qoor ale a yaxig coy nen fo’oy,

Yeremi 13:16

Ƥoxotyo o Yaal oxe Roog nuun o ndam boo ta helko fo niɓaanaa, soo nu tolof na xa coong axe na kid-a-caɓru ke. Xan nu cungaa a qoolaand ale, ndaa xan a suptin o niɓaan, a fi’in a sisaaƥ.

Heseki’el 32:7

Yaa o naagkaa ɗuƭ, xam sing asamaan fee, niifaarin xa qoor axe ten. Xam singit njeeƈ ne eel too o nqool onqe cooxitkatee a qoolaand um.

Sakari 14:7

Bes faaga o Yaal oxe soom andun, too kaa taarkaa o marin. Ñaalkatee, yengkatee, too a yaarangaa sax oo, xan fop ee dañ.