Amos 8:8 - NQAARIIT NE ROOG

⁸ Ndax kaa a pesoorooƭ den akeene taxee saax le a gefkeel, mbind oo mbind a ndef no xaaraand? Xan saax le a kuf-kufin nen o maag o riñu, kaam ee xan a ruf-rufin, a ŋiisin nen o xuluɓ ole Misira.

Amos 8:8 Referans Kwoze

Amos 9:5

O Yaal oxe na refkaa boo faw Hupna fop, kaa doonaa nqol um took lanq ke, fop a yo’noox, adna fa muum a njaañoox, lanq ke a kuf-kufin nen o maag o riñu, a ŋiisin nen o xuluɓ ole Misira.

Hoose 4:3

Ten taxu saax le xan a wootat, fop we ngenna teen a ŋeesoox, den fo muumeen-a-koƥ ke fo tiiƭ ke. Liƥ ke no maag ole sax xan a sooƴ.

Yeremi 46:8

Misira o mat na maynaa nen o xuluɓ ole Niil, fee poofi ke a mbalaa nen xa quluɓ axe. Kaa layaa yee: ‹Xam mayin, muur lanq ke, sooƴin teeru ke fo we ngenna teen.›

A kim a tedu ke 18:7

Kam naqad es ƴufginoox’aam o Yaal oxe, falaloox a Roog es. A nanta o ñuxur es no mbind um, too o wuuq es a nannooxa no nof um.

Esayi 5:25

Ten taxu fuux le no Yaal oxe a biltooxan xeet um, ta yoɗ o ɓay um soo a xawin. Xa coong axe kaa sendaa, soo xa tal axe yee ɗareet no ped ke nen ƭaaq. Kaa koy, keene fop taxee fuux um a ɓoos, too o ɓay um ole yoɗooxa boo fa ndiik.

Mace 24:30

Maaga koy, xan o anddiloor ole no Ƥeenqe no kiin oxe a feeñit na asamaan. Xan o qeet oluu refna no lanq ke a faɗoox, too xan a nga o Ƥeenqe no kiin oxe a garaa took a eel ake na asamaan, a yoon fa katil fo o ndam o maak.

Amos 8:10

A koom, xan toofeen nuun a suptel njaañ, a kim baneex nuun a ndef xa paɗax, oxuu refna a deroox o saaku, fop a nduusoox a ƥula yaam naqad. Kaam ee, a koom saax le a mbi nen kaa mbind oo mbind a nqoniɗ o dimbaane, fop a muukoor nen ñaal o njombe.

Hoose 10:5

We ngenna Samari xan a njaq yaam o nqeel wurus onqe Bet-Awen. Xeet fee xan a ñaawoox mbangool neene, soo saasadax we ten a sendaa yaam ten, no ndam onqe ten na ñufkaa a ndeer den.

Dañel 9:26

A cinj xa kiid ɓetaa ƭaq axeene boo a caf qarɓeen ɓetuu fa leng fo a caf a ƭak, Kelfa fee ta soƥkaa ta ɗuumel xan a saŋkel, too jegkee oxaa rondanduuna. Cinj kaaga, xan kelfa a gar fo a yaj no xiixire um, a yaq teeru fee fo o mbiñ o tedu nqe, ndaa xan muukandoong um a fadtiid nen o jaɓ. Yaq fee xan a ret boo maa xire fee a fagitkaa. Roog o mat heblitun.

Yeremi 12:4

Saax le kaa refkaa neeke na naqad boo a mban, soo daaƭ le na koƥ ale fop ee ŋayam? Ƥaaɓaan ke fo tiiƭ ke no saax le a sooƴa, yaam kañaan ne no we ngenna teen. Kaa da layaa yee: «Roog ga’ee ke na dalkaa a in.»

Yeremi 46:7

Xar refu ke na maynaa nen o xuluɓ ole Niil, fee poofi ke a mbalaa nen xa quluɓ axe?

Yeremi 51:29

Lanq ke kaa ngiiƈ-ngiiƈnaa, a yo’nooxaa, ye o Yaal oxe a fadnaa ke ta yuuɓanna a Babilon. Xan a fi a Babilon o mbiñ o mbootu, saax laa o leng a genateerna.

Nahum 1:8

Kaa koy, xan a saŋkit we mbinqqoorna fo ten o jaɓ ole, a daab fañ we ten boo da nqaad jaaniif.