Amos 8:7 - NQAARIIT NE ROOG

⁷ Ten taxu o Yaal oxe a daaɓoorit a xoox um ee: «Weeckiim a leng na pi ake den.

Amos 8:7 Referans Kwoze

Amos 6:8

Mi o Yaal oxe na refkaa boo faw, ref Roog fee Hupna fop, mexe daaɓoortaa a xoox es ee: «A magnandax ale Yakoob a feƭaraxam lool, too bugiim o doon a ngid pind ke saŋe a yetooxaa o mosel den. Ten taxu xam fi wiin jan a ngar, a njaɓ saax le fo ke refna teen fop.

Hoose 9:9

Nu njimbooxa no laawax nen ñaal kaa Gibe’a. O Yaal oxe weecee tooñ nuun too xan a xaw pakaad nuun.»

Hoose 8:13

Xeet fee Isra’el kaa mbaraa muumeen kaa da sadaxaxam, soo a ñaamaa a tegeƴ ake, ndaa jaɓiim a den, mi o Yaal oxe. Ndiiki koy, wetandooxaam tooñ den too xam xaw a den yaam pakaad den. Xan a nomtoox cook Misira.

Hoose 7:2

Layee taa kam den ee wetandooxaam kañaan den. Ndiiki koy, a pi den kaa mbid a den, a ndef mbaambir es.

A kim a tedu ke 10:11

O soxodu xe kaa layaa no xeeñ um ee: «A ƭat Roog yongee teen. Kaa sing mukit um too naagee ga’aa dara.»

Yeremi 31:34

O leng na den soxla’katee o jangnaa gend um mbaat ta layaa fog um ee: ‹Andyo o Yaal oxe!›, yaam fop xan a andaam, no ke xotitna no xe moƴna o neew boo no xe moƴna o maak, yaam xam waasanit tooñ den too wetandooxkatiim pakaad den. Mi o Yaal oxe layun.»

Yeremi 17:1

O Yaal oxe kaa tee: «Bakaad fee no we ngenna Yudaa kaa bindtel pindir njelem, a tufir jamaa. Kaa miimel na patax ale na qeeñ den fo took xa can axe na xa sadaxand axe den.

Esayi 43:25

Yaqanee koy, mi na fortaa pakaad of yaam oxe refuuma, too wetandooxkatiim tooñ of.

A kim a tedu ke 47:4

Kaa ɓoxotaa qeet ke na xa ƥay in, a maafaa a saax ake na caf in.

YEGIL MBAAX NE YEESU ne Lik a bindtuuna 2:32

refna a qoolaand ale feeñna kam a saax ake, a ref o ndam Isra’el fee xeet of.»

A kim a tedu ke 68:34

ten fee sangaalooxna took-ee-took asamaan fee refna yaaga. O ten oo xeene na jibnaa o ñuxur o jegu doole um.

A sutax ale 17:16

A ɓaata teen itam ee: «Feek Amalek kaa yoɗ o ɓay um, a siiknoor fo uum-maamaad le no Yaal oxe, xan o Yaal oxe a ñoxoraa fo Aa-amalek we no suk nuu refna.»

Yeremi 44:21

«Cuuraay fee nu ndoxna kam teeru ke Yudaa fo no ped ke Yeerusaleem, nuun fo daan nuun, maad nuun, kelfa nuun fa xeet fee fop, ndax o Yaal oxe wetandooxiran, ndax damiran no xeeñ um?

Amos 4:2

Keeke mat o Yaal oxe na refkaa boo faw a layu na nuun, a daaɓoortin o tedel um: «Ñaal ke nu sutkeel saate nuun, lokeel nen liƥ no jaar, nuun fo xa ƥiy nuun, owey a ngaraa,

Ke bindeena no xe ne’eena YOB 24:23

Kaa ɗingaa a den, da njeg a koolax, a ref no gayaa a den na ƭat den.

A kim a tedu ke 47:5

A jilana a in lanq ke i lamna, ta ref qaaƴoor in, in we xeet fee Yakoob ta fexna. A maaf

Esayi 22:14

O Yaal oxe Hupna fop a yegnaxam ee tooñ neeke, nu mbaasankaand o ten muk boo yaa nu nqonkaa. Keene o Yaal oxe na refkaa boo faw Hupna fop a layu.