Amos 8:5 - NQAARIIT NE ROOG

⁵ Kaa nu layaa yee: ‹Ndi mban muus fee no nqool onqe a faafkaa boo i mbaag o njikook bele fee in? Ndi mban bes fee na ñootnax ale a faafkaa, boo i mbaag o ndok no tap in? Xan i mbañ eedir ke, njigand ne i ƥaatin, yaq balaas fee boo mbaag o ñaam jiijik we.

Amos 8:5 Referans Kwoze

Hoose 12:7

Ndiiki koy, nuun xa taan axe Yakoob, nomtooxiidyo me Roog nuun, ngay o mbeq fo o cofel, too yaakaar kili a Roog nuun.

A paɗax ale 19:36

Fat nu njeg liiƥir cagu fo a poox a cagu fo xa landibaas xa cagu. Mi refu o Yaal oxe Roog nuun sutitna a nuun no saax laa Misira.

Esayi 1:13

Mbaasyo sadax ke nu ƥisiidaxam, ƭaxee dara. Cuuraay fee nu sadaxtaa feliraam tus. Mbaasyo toofeen ke nu mbi’aa no nqool o ndeɓ mbaat no pes a ñootnax ke mbaat no qew lakas ke. Saɗiim o ga a paɗax alaa yoonna fo njofaƭar.

Xa peƭit axe 20:23

O Yaal oxe kaa sib a poox a podeer, too balaas fa mbaaxeer feliran.

Xa peƭit axe 16:11

Balaas fa mbaax fa bastul fa mbodu o Yaal oxe a bugu, fo mboox ne ƥekeena kam nafa, a anda a den fop.

Xa peƭit axe 11:1

O Yaal oxe kaa sib balaas fa mbaaxeer, a poox a bodu ke mat a mbelin.

2 Maad we 4:23

O kor um a laamtaan ee: «Xar taxu o retaa maa ten xaye? Xaye refee xew fee na bat ale no nqool onqe mbaat bes fee na ñootnax ale.» O tew oxaa a doonaan ee: «Jam oo.»

A lim ale 10:10

No qumbaare ke nuun fo no qew ke nuun fo na bat ale no nqool onquu refna, fat nu njibin a luuƥ akeene, yaa nu ƥoxotaa sadax toxel ke nuun fo sadax camsa’oor ke nuun. Keene xan a tax um wetandoox a nuun. Mi refu o Yaal oxe Roog nuun.»

Esayi 58:13

O Yaal oxe kaa tee: «Boo fañoona o yapatil bes fee na ñootnax ale, ndax ƴufankiro ke feloonga na bes fa tedu fee mi, o xoyangaa bes fee na ñootnax ale bes o ɗaay, ɓoxot bes fee kesaneema o ndam, fañ o jaltin, fañ o ƴufan ke feloonga soo fañ o ñimatireel teen xa koɓong,

Kolos 2:16

Ten taxu koy, ba o leng a ɓanj a nuun yaam ñaamel fo yerel, ba o leng a ɓanj a nuun yaam xew mbaat ke na fi’aneel o nqool o ndeɓ mbaat pes ke na ñootnax ale.

Malaki 1:13

Kaa nu layaa sax ee: «Waafu! Keeke mat o torox oo!», soo nu ngarangaa sibdan. A soƥa fop koy, cegel kaañooru na taamaala mbaat kaa na laƴaa mbaat ciru doŋ nu ƥoxotiidaa. Keene mbug o ndef ke nu sadaxaxam! Jaɓkinum de! Keene o Yaal oxe Hupna fop a layu.

A sutax ale 31:13

ta yegin Ii-isra’el we kebil keeke: «Fat nu niw bes fee na ñootnax ale mi, yaam xan a ref o anddiloor a ndeer es fa nuun na xa taan boo na xa tanaraat, a wetandaa yee mi refu o Yaal oxe jilna a nuun, ndax nu ndef xeet es.

1 Sami’el 20:5

Dawid a doonaan ee: «O feet refu xew fee na bat ale no nqool onqe, too war’aam o moof, ñaam fo o maad oxe, ndaa ci’aam um ret, ɗasik kam a koƥ alaa boo a lakra kirand.

Sakari 5:6

Laamtaanum ee: «Xar oo yee?» A doonaxam ee: «A cenjel oo.» A ɓaata teen ee: «Kaa yip tooñ ke no lanq ke fop.»

Sakari 5:8

Malaaka fee a layaxam ee: «Ten refu coxod ne.» A jooratinaan kam a cenjel ale soo a rip o afnir beteex ole took fee.

Hoose 12:8

O Yaal oxe kaa tee: «Efrayim, kaa o nand nen o cula Kaakanaan, pokoox no ɓay of balaas fa mbaaxeer. Kaa o fex o naxaa doŋ,