Amos 8:3 - NQAARIIT NE ROOG

³ A koom a kim ake no mbind sadaxand ne xan a suptoox xa paɗax. Muu refna xan xa tal a mbondnel, fop ee yereŋ. Mi o Yaal oxe na refkaa boo faw layun.»

Amos 8:3 Referans Kwoze

Amos 5:23

Ndiƈatooxaamoo fo a kim ake nu ndoxanaxam! Bugatiim o nan a qiin ake nuun nu mbakaa, tee kaa nu simataxam.

Amos 5:16

Ten taxu, keeke o Yaal oxe Roog fee Hupna fop refna o Yaal es a layu: «Xan xa paɗax a njibit muu refna, a coytax a refat simnir. Xan o qooxoox sax a xurel, a geƈ helaar um, a xaaraandik, we a coytax a refna calel den a simel xa paɗax.

A paɗax ale 10:3

Moyiis a laya a Aaroon ee: «Keene o Yaal oxe a ne’oogu, ye ta layna yee: ‹Xam lalit o tedel es no we na matiidaxam, lalit o ndam es mbaambir xeet fee fop.› » Aaroon a naaga tek, a xor.

Nahum 3:3

Pis ŋaaye ke owe mbaaslooxaa, laƥ ke a telelaa, a salma ke a meleƈaa. Wiin gaañooxu wey gañ, xa tal axe a mbi a cuum, xon we a naang xus, a kamaseel.

Amos 8:10

A koom, xan toofeen nuun a suptel njaañ, a kim baneex nuun a ndef xa paɗax, oxuu refna a deroox o saaku, fop a nduusoox a ƥula yaam naqad. Kaam ee, a koom saax le a mbi nen kaa mbind oo mbind a nqoniɗ o dimbaane, fop a muukoor nen ñaal o njombe.

Amos 4:10

Yoɗaam piste, pictin a ndeer nuun, ne fi’it’anuuma no saax laa Misira, warnoor mbes ke nuun na xire, pis nuun a njaɓel, xa tal no yoon nuun a mbat a nuun xus nen ƈaq, ndaa dara teen taxee nu naang cook nomtooxiid me mi. Mi o Yaal oxe layun.

Yowel 1:13

Nuun saasadax we, nderooxyo xa saaku too naqadiloox! Nuun we saqna calel ke no sadaxand ole, ƭomatooxyo! Ngaryo mbe fo xa saaku xe, nuun we na njalanaa a Roog es, yaam sadax tuufe-duufe fa sadax biiñ ƥisiidataand no Mbind ne na Roog nuun.

Yowel 1:11

Xooxoox we a njaqa, yaal a ƭing taxar biiñ ake a ƭomatooxaa, yaam ne bele fee fa lorso fee a ñakeena, saxade le na xa qol axe a yaqoox.

Yowel 1:5

Nuun waaway we, yokooxyo too lool! Nuun yeeyer we na biiñ fee, ƭomatooxyo, yaam o ngoon onqe na xa tim biiñ axe fadkatee na xa ton nuun.

Yeremi 22:18

Ten taxu keeke o Yaal oxe a layu na Yoyakim fee o ƥiy Yosiya, too a ref o maad Yudaa: «Foygooxkaand ee: ‹Ndaw sabab, o koor es! Ndaw sabab, o cigeen es!› Foygooxkaand ee: ‹Ndaw sabab, o yaal es! Ndaw sabab, daali maad!›

Esayi 37:36

Malaaka no Yaal oxe a roka no saŋe ne no Aa-asuur we soo a war na den goor cuni teemeed fo goor cuni qarɓeen ɓetuu tadik fo goor cuni ƥetik. No feet nqes olaa, yaa waa nqon’eerna a yokooxna, a nga’a xa tal axeene fop.

A kim a tedu ke 39:9

Wataam no pakaad es fop, too ba o xaƴ yoqit ke a njalaxam.

A ƭomatax ake 2:10

Maak we Siyoŋ, o ndoog onqe, owe moofa a lanq, a naang muƥa. A yipooxa lanq no xoox, a nderoox xa saaku, soo mboƥ ndoog ne Yeerusaleem a lupandoox.

Amos 6:4

Kaa nu ndeɓaa o ndalaq no cong mosandte a ñiiñ fa ñiig, a kakandax a ndeer a nuun, nu yablooraa a suk a neeru fo a tegeƴ ƥuj kude.

Amos 6:5

Kaa nu ngimaa, yoonandtin o nqilimb, mbi’in boo mbodandooraa a Dawid, tee kaa nu mberaa a kim,

Amos 6:8

Mi o Yaal oxe na refkaa boo faw, ref Roog fee Hupna fop, mexe daaɓoortaa a xoox es ee: «A magnandax ale Yakoob a feƭaraxam lool, too bugiim o doon a ngid pind ke saŋe a yetooxaa o mosel den. Ten taxu xam fi wiin jan a ngar, a njaɓ saax le fo ke refna teen fop.

Sofoni 1:7

Naangyo cuxus mbaambir no Yaal oxe na refkaa boo faw, yaam bes fee no Yaal oxe a matiida. A jaganda sadax, a tedland we ta xurna.