Amos 8:12 - NQAARIIT NE ROOG

¹² A koom da mbidaa lanq ke, a njoqooyooxaa a ndetaa no kaa xotitna no ɓemb-roog o janoon boo no batand, ndeer o maag fo o gend um, a mbaaƭaa maa da nanitna fa Lay fee no Yaal oxe ndaa njegkiran.

Amos 8:12 Referans Kwoze

Mace 12:30

Oxuu fareerna fa mi kaa fañaam, too oxuu fokateerna fa mi kaa pictaa.

Dañel 12:4

Wo Dañel, ɗasni yegnit neene, too wegit safe lene o ñaasir boo yaa jamaane fee no muukandoong ne a fadiidna. A koom, xan wiin mayu a njangin, too xan o and den a ɓaatoox.»

Xa peƭit axe 14:6

O qaaxaadnax oxe kaa waaƭaa o jeg-yiif, ndaa jegkiran, o cegu yiif oxe mat a yooɓaa and.

Heseki’el 20:31

Yaa nu ƥoxotaa sadax nuun, ndoxaa xa ƥiy nuun nen sadax, kaa nu maad o nqoolaƭarandtaa a qoox nuun boo xaye pangool ke nuun. Nu mbooga moos ee xam xaƴ nu nga’ir fa mi. Ne ta wooritna yee mexe ñoowaa, mi o Yaal oxe na refkaa boo faw layun, xaƴkiim muk nu nga’ir fa mi.

Heseki’el 20:3

«Wo fee o ƥiy no kiin, layi fo maak we Isra’el. Fat o yegin a den ee: Keeke o Yaal oxe na refkaa boo faw a layu: Ndax o nga’ir fa mi taxu nu ngar? Ne ta wooritna yee mexe ñoowaa, xaƴkiim nu nga’ir fa mi muk. Mi o Yaal oxe na refkaa boo faw layun.

1 Sami’el 3:1

Sami’el, o ndeɓandoong onqe, a reeƭa paam Eeli, a jalanaa o Yaal oxe. No camaane kaaga a jafeñ’a lool, ndax o Yaal oxe a feeñoox o kiin mbaat ta lay fo ten.

Xa peƭit axe 29:18

Duleer Roog a njegangee, xeet fee kaa ndefataa no kaa felna a den, oxe na gayaa kebil ke mat a ɗaaya.

Xa peƭit axe 1:28

Maaga, xan nu nqoyaam, ndaa jaaɓkiim, nu mbaaƭaam, ndaa nu nga’kiraam,

Hoose 5:6

Xan a ndet fo a ked den fo xa siir den, ndax da ƥoxot teen sadax, a mbaaƭik o Yaal oxe, ndaa nga’kiran, yaam kaa riƈatoox a den.