Amos 8:11 - NQAARIIT NE ROOG

¹¹ Ñaal ke um fudinkaa biim took saax le owey a ngaraa, refee koy biim le na riñaa o kiin no homaa ñaamel, joqooyooxaa maa foofi farna, ndaa biim le na riñaa no homaa fa Lay fee no Yaal oxe fo hoɗomel o nan paru no ten. Mi o Yaal oxe na refkaa boo faw layun.

Amos 8:11 Referans Kwoze

A kim a tedu ke 74:9

Xa anddiloor comlaand nga’ataand, duleer njegatee meen, too o leng na in andee boo a mban neeke.

1 Sami’el 3:1

Sami’el, o ndeɓandoong onqe, a reeƭa paam Eeli, a jalanaa o Yaal oxe. No camaane kaaga a jafeñ’a lool, ndax o Yaal oxe a feeñoox o kiin mbaat ta lay fo ten.

2 Caloori ke 15:3

Ii-isra’el we o mat a ñoowa miñu no kaa da ndeefeerna a Roog fa ndigil fee, saasadax waa na njangnaa a den nga’aand too ngayee kebil ke.

1 Sami’el 28:6

Sawul a dalfooxa o laamit o Yaal oxe, ndaa oxeene dooniran dara, ta ref no ƭaad mbaat fo mbanjang tedu ne no saasadax oxe mbaat fo o tuleer um.

Heseki’el 7:26

O njakad kaa reef took o njakad, o nan o feleer fo o gend um a ndeepatir. Kaa da ƭeetnooxaa me no tuleer, ndaa a cangin a katu no saasadax a naaga mes, o as o inooru na koorgi a ɓoow jang.

Mace 9:36

Yaa ta ga’na wiin mayu waa, a yuɗ’aan lool, yaam kaa nqij’u too a yogorlooxaa nen paal kaa njegeerna o kaynaak.

Mise 3:6

‹Ten taxu, nuun duleer we, xan nu ndef no yeng, too nu mbeeñooxkataand! Xan nu ndef no niɓaan, too nu ƭeetkatee!› Xan njeeƈ ne no duleer weene a mud, ñaal den a ref o niɓaan.»

1 Sami’el 28:15

Sami’el a laamtaan ee: «Xar taxu o yaqanaxam a ñootnax, xoynaxam?» Sawul a doonaan ee: «Kaam jaq lool. Fiifilista we kaa siiknoor fa mi, soo Roog a xuunaam. Doonatiraam a reefandin no tuleer um mbaat no ƭaaɗ. Keene xoynitoong, ndax o layaam ke waruuma o fi.»

Esayi 5:6

Xam xaƴin ta ñar. Calaskataand mbaat ta xooxel, tomb fo takar-ñiig xan a saxik teen, too xam xañit a eel ake da ndeɓ took um.

Xa peƭit axe 29:18

Duleer Roog a njegangee, xeet fee kaa ndefataa no kaa felna a den, oxe na gayaa kebil ke mat a ɗaaya.

Hoose 2:3

Layyo fog faap goor we nuun ee: «Nuun ndefu ‹xeet es› », soo jigeen we nuun, nu lay a den ee: «Nuun ndefu ‹we fexuuma›.»