Amos 7:8 - NQAARIIT NE ROOG

⁸ Naaga, o Yaal oxe a layaxam ee: «Amos! Xar ga’o?» Um doonin ee: «O ƥaak o fodrandir.» Ta layaam ee: «Xam dalin o ƥaak o fodrandir kam Isra’el fee xeet es, too yaaga a baasan es fa den a faaf.

Amos 7:8 Referans Kwoze

Amos 8:2

soo a layaam ee: «Amos, xar ga’o?» Um doonin ee: «A ƭamba laa yipna xa tim xa pooru.» O Yaal oxe a layaxam ee: «A saxad ale mi took Isra’el fee xeet es a fadiida de, yaam a baasan es fo ten a faafa.

A ƭomatax ake 2:8

O Yaal oxe kaa heboox’u o yaq saŋe ne Siyoŋ, o ndoog onqe. A letna o ƥaak o liiƥir ole, too dam’ee o ɓay um, boo neen a yaqun pic. A ɓeka no ñaawax ɓit le fo saŋe ne, ndefatna den fop a pec a yuɗnooxu.

Yeremi 15:6

Waasaxamo, fesaam a cinj. Mi yoo yoɗanaaxoong o ɓay es, yaqong pic. Deyƭooxaam sik na ticax.

Mise 7:18

Ndax a jega Roog faa nandna fa wo? Kaa o waasantaa tooñ ne, too naagiro xawaa njofaƭar ne no we yoqna na xeet of fee jegoodoona. Naagiro damaa fuux of boo kili, yaam kaa o sawar no yirim a in.

Esayi 28:17

Xan a ƭat a ref o ƥaak o liiƥir es, soo o cofel ole a ref o ƥaak o fodrandir es.» A kalam a ƥuuɓu ke xan a yaq ndaɗand maamaaɓ ne, soo poofi ke a maƥ laqooxand naanaxir ne.

2 Maad we 21:13

Xam xawit a Yeerusaleem, ne xawtuuma a Samari fo mbind Ahab. Kaam ee xam laxad a Yeerusaleem ne o ƥaxañ a laxadteel soo a sagel.

Sakari 5:2

Malaaka fee a laamtaxam ee: «Xar o ga’aa?» Doonaanum ee: «Ke um ga’aa de o laxas safe laa na yetaa yoo, o cigdel um a fi xa noonoong qarɓeen ƭik, soo o yaajel um a fi xa noonoong xarɓaxay.»

Esayi 34:11

Xan a refat ngenand a paɓaan ake fo a koƴ ake. A loy ake fo a tooq ake xan a ngen teen. O Yaal oxe xan a letin o ƥaak o liiƥir ole took um, ndax ta yoqnin o ƥor, soo a doon teen o ƥaak o fodrandir ole, ndax ta wootnin.

Amos 7:7

O Yaal oxe a dakooxaxam o feeñil kene: Kaam ga’in, ten fa xoox um, ta ŋaay no tabax, soo a deegoox o ƥaak o fodrandir.

Hoose 1:6

Gomeer a rokahina o fud soo a ñoot o ƥiy o ndew. Maaga, o Yaal oxe a laya a Hoose yee: «Ne’een ‹Loo-Ruhama›, yaam yirimkatiim mbind Isra’el, tee kaam waasanahinan.»

Sakari 4:2

A laamtaxam ee: «Xar o ga’aa?» Doonaanum ee: «Ke um ga’aa de a pagal alaa refna wurus fa ƥor oo fo yipir diwliin no jul ole ten, soo ta saq xa lampa ɓetaa ƭaq fo xa mees ɓetaa ƭaq na xa lampa xe ndefna no jul ole na pagal ale.